ايتا كەتۋ كەرەك, سوڭعى جىلدارى ەلىمىزدىڭ ءۇشىنشى مەگاپوليسىندە شەتەلدىك جۇمىسشىلاردىڭ ەلەۋلى اعىنى بايقالۋدا. محقو-دا شەتەلدىك ازاماتتار مەملەكەتتىك قىزمەتتەردى ء«بىر تەرەزە» قاعيداتى بويىنشا بەكىتىلگەن ستاندارتقا ساي الا الادى: ەلەكتروندىق كەزەك, ارنايى جابدىقتالعان جۇمىس ورىندارى, ءپروفيلدى ماماندار جانە ىڭعايلى جۇمىس كەستەسى. قىزمەت الۋشىلار 1-2 ساعاتتىڭ ىشىندە مەديتسينالىق تەكسەرىستەن, داكتيلوسكوپيادان وتە الادى. سونداي-اق ساقتاندىرۋ ءپوليسىن راسىمدەپ, جەكە سايكەستەندىرۋ ءنومىرىن (جسن) الا الادى. بۇرىن بارلىعىن تاپسىرۋ ءۇشىن بىرنەشە كۇن كەتەتىن.
«بۇرىن شەتەلدىكتەر جۇمىس ىستەۋگە رۇقسات الۋ ءۇشىن قاجەتتى قۇجاتتارىن راسىمدەپ, بىرنەشە كۇن جۇرەتىن. جسن الىپ, سالىق ماسەلەسىن شەشىپ, ساقتاندىرۋ انىقتاماسىنا قول جەتكىزۋ ءۇشىن بىرنەشە مەكەمەنى ارالاۋشى ەدى. ەندى شەتەلدىكتەر قۇجاتتاردى بەس كۇن بويى ەمەس, ءبىر كۇننىڭ ىشىندە راسىمدەۋ مۇمكىندىگىنە يە بولدى. بۇل ميگرانتتار ءۇشىن عانا ەمەس, جۇمىس بەرۋشى ءۇشىن دە وتە قولايلى», - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ تۇركىستان وبلىسى بويىنشا فيليالىنىڭ ديرەكتورى ەرجان جەڭىسبەكوۆ.
جاڭا محقو جۇمىس بارىسىن جەڭىلدەتىپ قانا قويماي, سىبايلاس جەمقورلىق ارەكەتتەرىنىڭ الدىن-الۋعا جول اشادى. جىل باسىنان بەرى قازاقستاندا كوشى-قون باعىتى بويىنشا 267 287 مەملەكەتتىك قىزمەت كورسەتىلگەن.
جاڭا فرونت-وفيس شىمكەنت قالاسىنداعى نۇرسات ىقشاماۋدانى, بايتەرەكوۆ كوشەسى, 89 ءۇي مەكەنجايىندا ورنالاسقان. كولەمى 1500 شارشى مەتردى قۇرايتىن, 100 كولىككە ارنالعان اۆتوتۇراعى بار زاماناۋي عيمارات قىزمەت الۋشىلارعا تاڭعى ساعات 09-دان كەشكى ساعات 18.30- دەيىن, تۇسكى ءۇزىلىسسىز قىزمەت كورسەتەدى.
