فوتوكورمە استراحان قالاسىنداعى قر تۇڭعىش پرەزيدەنتى قورىنىڭ كۇندەرى اياسىندا وتكىزىلدى. فوتوكورمەنىڭ سالتاناتتى اشىلۋ ءراسىمى جەرگىلىكتى مۇراجايدىڭ ەڭ ۇلكەن زالىندا استراحان وبلىسىنىڭ گۋبەرناتورى الەكساندر جيلكين, قر تۇڭعىش پرەزيدەنتى قورىنىڭ اتقارۋشى ديرەكتورىنىڭ كەڭەسشىسى ءاليا قايشاروۆا مەن قازاقستان رەسپۋبليكاسىنىڭ استراحان قالاسىنداعى كونسۋلى قانات شەككاليەۆتىڭ قاتىسۋىمەن ءوتتى.
فوتوكورمەنىڭ قوناقتارى وبلىستىڭ تانىمال مەملەكەتتىك جانە قوعامدىق قايراتكەرلەرى, مادەنيەت جانە عىلىم وكىلدەرى, سونداي-اق استراحان وبلىسىنداعى قازاق دياسپوراسىنىڭ وكىلدەرى بولدى.
«استانا – ۇلى دالا جاۋھارى» فوتوكورمەسى العاش رەت ۇستىمىزدەگى جىلدىڭ ءساۋىر ايىندا رەسەي مەن يسپانيا استانالارىندا الەمدىك قاۋىمعا تانىستىرىلدى. ماسكەۋدە فوتوكورمە ءساۋىر ايىندا وتسە, مامىر ايىندا سانكت-پەتەربۋرگتە ءوتتى. جاقىن ارادا فوتوكورمە لوندون, بەرلين, پاريج جانە بەيجىڭ قالالارىندا جالعاسادى.
فوتوكورمە قوناقتارى استانانىڭ ءار ءتۇرلى عيماراتتارىنىڭ 60-تان استام فوتوسۋرەتتەرىن تاماشالاي الدى.
كارتينالار اراسىنان الەمدىك بىرەگەي مادەنيەت وبەكتىلەرىن كورۋگە بولادى. ولاردىڭ ىشىندە عالامنىڭ 90 ەپيكالىق عيماراتىنا ەنگەن استانانىڭ باستى برەندى - «بايتەرەك», استانانىڭ ەكسپو-ورتالىعىنداعى ديامەترى 80 مەتر سفەرا نىسانىنداعى ەرەكشە عيمارات - «نۇر-الەم», الەمنىڭ ەڭ ادەمى 10 پرەزيدەنتتىك سارايلارىنىڭ ءبىرى - قازاقستان رەسپۋبليكاسى پرەزيدەنتىنىڭ «اق وردا» رەزيدەنتسياسى. سونداي-اق بەلگىلى بريتاندىق ساۋلەتشى نورمان فوستەردىڭ جوباسى بويىنشا سالىنعان ەلوردانىڭ بىرەگەي قۇرىلىستارى: «بەيبىتشىلىك جانە كەلىسىم سارايى» - پيراميدا, گيننەستىڭ رەكورد كىتابىنا ەنگىزىلگەن, شاتىر نىسانىنداعى الەمدەگى ەڭ ۇلكەن عيمارات - «حانشاتىر» ساۋدا-ويىن ساۋىق كەشەنى جانە «نازارباەۆ ورتالىعى» بار.
فوتوكورمە ۇيىمداستىرۋشىلارىنىڭ ايتۋى بويىنشا, استانا - قازاق حالقىنىڭ ماقتانىشى, ەلىمىزدىڭ جەتىستىكتەرىنىڭ جارقىن مىسالى, تاۋەلسىز مەملەكەتتىڭ نىشانى بولىپ تابىلادى. بيىل ەلباسى ن.ءا.نازارباەۆتىڭ ەلوردانى استاناعا كوشىرۋ تۋرالى تاريحي شەشىمىنىڭ قابىلداعانىنا 20 جىل تولادى. استانانىڭ دامۋى بۇكىل قازاقستاندى تۇبەگەيلى وزگەرتىپ, ونى ەكونوميكالىق تۇرعىدان كۇشتى, ساياسي تۇرعىدان تۇراقتى مەملەكەت, جاۋاپتى جانە بەدەلدى حالىقارالىق سەرىكتەسكە اينالدىردى.
قر تۇڭعىش پرەزيدەنتى قورىنىڭ اتقارۋشى ديرەكتورىنىڭ كەڭەسشىسى ءاليا قايشاروۆا: «بۇگىن استانا - بەيبىتشىلىك پەن كەلىسىم قالاسى. مۇندا «ەكسپو-2017» مامانداندىرىلعان كورمەسى, الەمدىك جانە ءداستۇرلى دىندەر سەزى, ەقىۇ, شىۇ مەن يسلام ىنتىماقتاستىق ۇيىمىنىڭ سامميتتەرى, استانا ەكونوميكالىق فورۋمى, ن. نازارباەۆ قورىنىڭ «استانا كلۋبىنىڭ» حالىقارالىق ساراپشىلار كەزدەسۋلەرى وتۋدە».
فوتوكورمە قر تۇڭعىش پرەزيدەنتى قورى مەن استراحان قالاسىنداعى قازاقستان رەسپۋبليكاسىنىڭ كونسۋلدىعىنىڭ قولداۋىمەن ۇيىمداستىرىلدى.
استانانىڭ 20-جىلدىعىنا ارنالعان فوتوكورمە رەسەيدىڭ ەڭ كونە وبلىستىق مۇراجايى - استراحان مۇراجاي-قورىعىندا تاعى 2 اپتا وتكىزىلەدى, وندا قالا قوناقتارى مەن تۇرعىندارى استانانىڭ تاڭعاجايىپ قۇرىلىمدارىن كورە الادى.
قر تۇڭعىش پرەزيدەنتى قورى كۇندەرى اياسىندا قوردىڭ اتقارۋشى ديرەكتورىنىڭ كەڭەسشىسى ء اليا قايشاروۆا استراحان وبلىسى ۇكىمەتى توراعاسىنىڭ ورىنباسارى - استراحان وبلىسىنىڭ مادەنيەت جانە تۋريزم ءمينيسترى گالينا زوتەەۆامەن كەزدەستى. كەزدەسۋ بارىسىندا ەكىجاقتى ىنتىماقتاستىق ماسەلەلەرى تالقىلاندى.
سونىمەن بىرگە قوردىڭ وكىلدەرى «جولداستىق» قازاق مادەنيەتىنىڭ وبلىستىق قوعامىمەن كەزدەسەدى جانە استراحان وبلىستىق ن.ك. كرۋپسكايا اتىنداعى عىلىمي كىتاپحاناسىنا باردى.
سونىمەن بىرگە استانالىق دەلەگاتسيا قازاقتىڭ ۇلى كۇيشى-كومپوزيتورى, قازاقتىڭ اسپاپتى مۋزىكا ونەرىنىڭ كلاسسيگى قۇرمانعازى ساعىرباي ۇلىنا ارنالعان كەسەنە مەن مۇراجاي كەشەنىنە باردى.
كەزدەسۋلەر بارىسىندا ن.نازارباەۆ قورى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «تاۋەلسىزدىك ءداۋىرى» اتتى كىتابىن, استانانىڭ 20-جىلدىعىنا ارنلاعان «A day in Astana» اتتى بىرەگەي فوتوالبومىن, «بۋراباي» مەملەكەتتىك ۇلتتىق تابيعي پاركىنە ارنالعان «A day in Burabay» فوتوالبومىن, بالالارعا ارنالعان ء«تاتتى الما» كىتابىن, قوردىڭ ادەبي بايقاۋىنىڭ جەڭىمپازدارىنىڭ شىعارمالار جيناعى «التىن توبىلعى» اتتى كىتابىن سىيعا تارتۋ ەتتى.
