وسىعان دەيىن قازاقستاننىڭ ەشبىر كومانداسى بۇل ۇجىممەن كەزدەسپەگەن. «سۋتەسكا» 1927 جىلى قۇرىلعان.
العاشقى كەزەڭدە سان-مارينونىڭ «لا فيوريتا» جانە گيبرالتاردىڭ «لينكولن» كلۋبتارى سىنعا ءتۇسىپ, ولار ءبىرىنشى كەزەڭدە وينايتىن وزگە 31 كوماندانىڭ قاتارىن تولىقتىرادى. «استانا» جارىستى وسى ساتىدان باستايدى. وعان قارسىلاس رەتىندە ۋەفا تالاپتارىنا سايكەس الدىن-الا «سپارتاك» (ترناۆا, سلوۆاكيا), «ۆاللەتتا» (مالتا), «الاشكەرت» (ارمەنيا), «سۋتەسكا» (چەرنوگوريا), «سپارتاك» (يۋرمالا, لاتۆيا) جانە «فلورا» (ەستونيا) كوماندالارى اتالدى.
بۇل كەزەڭدە جەڭىلگەن كوماندا جارىستى ەۋروپا ليگاسىنىڭ ەكىنشى ىرىكتەۋ كەزەڭىنەن باستايدى. ال قازاقستاننىڭ «قايرات», «ەرتىس», «توبىل» كوماندالارى ويىندارىن ەۋروپا ليگاسىنىڭ ءبىرىنشى ىرىكتەۋ كەزەڭىنەن باستايدى. بۇل كەزەڭنىڭ جەرەبە تارتۋ ءراسىمى 20 ماۋسىم كۇنى استانا ۋاقىتىمەن 17.00-دە شۆەيتساريانىڭ نون قالاسىنداعى ۋەفا-نىڭ شتاب-پاتەرىندە وتكىزىلەدى.
