اتىراۋ وبلىسى بەلسەندىلەرىنىڭ جينالىسى بارىسىندا ايماق باسشىسى اتىراۋ وبلىسىنىڭ ۆەتەريناريا باسقارماسىنىڭ جاڭا باسشىسىن تانىستىردى.
بۇل قىزمەتكە اتىراۋ وبلىسى اۋىل شارۋاشىلىعى جانە ۆەتەريناريالىق مەديتسينا باسقارماسىنىڭ باس مامانى قىزمەتىن اتقارعان ازامات ايتقاليەۆ تاعايىندالدى.
ازامات ايتقاليەۆتىڭ «ۆەتەريناريالىق-سانيتاريالىق دارىگەر» جانە «مەملەكەتتىك جانە جەرگىلىكتى ءوزىن-ءوزى باسقارۋ» ماماندىقتارى بويىنشا ەكى جوعارعى ءبىلىمى بار. اۋىل شارۋاشىلىعى سالاسىندا تاجىريبەسى كوپ.
ەڭبەك جولىن 2006 جىلى شارۋا قوجالىعىندا مال دارىگەرى رەتىندە باستاپ, 2010 جىلعا دەيىن جەكە سەكتوردا جۇمىس ىستەگەن. 2010 جىلدىڭ ءساۋىر ايىندا قۇرمانعازى اۋداندىق ۆەتەريناريا بولىمىنە مەملەكەتتىك قىزمەتكە ورنالاسىپ, وندا 2015 جىلعا دەيىن قىزمەت اتقاردى.
2015-2017 جىلدارى اتىراۋ وبلىسى ۆەتەريناريا باسقارما باسشىسىنىڭ ورىنباسارى بولىپ جۇمىس ىستەدى. كەيىنىرەك ۆەتەريناريا ءبولىمى قوسىلعاننان كەيىن, اتىراۋ وبلىسىنىڭ اۋىل شارۋاشىلىعى جانە ۆەتەريناريا باسقارماسىنىڭ باس مامانى لاۋازىمىنا تاعايىندالدى.
اۋىل شارۋاشىلىعى باسقارماسىنىڭ باسشىسى بولىپ بۇرىن اتىراۋ وبلىسى اۋىل شارۋاشىلىعى جانە ۆەتەريناريا باسقارماسىنىڭ باسشىسى قىزمەتىن اتقارعان ماقسوت مۇقانوۆ تاعايىندالدى.
ماقسوت مۇقانوۆ اۋىل شارۋاشىلىق ونىمدەرىن ۇيىمداستىرۋشى-ەكونوميست ديپلومى بار مامان. ول ەڭبەك جولىن قىزىلقوعا اۋدانى اباي سوۆحوزىندا اعا ەكونوميست بولىپ 1982 جىلى باستاعان. سودان كەيىن كومسومول سوۆحوزىندا اۋداندىق اۋىل شارۋاشىلىعى قاۋىمداستىعىنىڭ توراعاسى, اۋداندىق جوسپارلاۋ كوميتەتى توراعاسىنىڭ ورىنباسارى, ەكونوميكا كوميتەتىنىڭ اۋداندىق اكىمشىلىگىنىڭ توراعاسى, اۋداندىق قارجى ءبولىمىنىڭ توراعاسى, اۋداندىق قارجى باقىلاۋ ءبولىمىنىڭ باسشىسى, قىزىلقوعا اۋدانى اكىمى ورىنباسارى, اۋىل شارۋاشىلىعى باسقارماسىنىڭ باسشىسى بولىپ جۇمىس ىستەدى.
2012 جىلدىڭ قازان ايىنان باستاپ قىزىلقوعا اۋدانى اكىمىنىڭ ورىنباسارى, 2013 جىلدىڭ شىلدەسىندە قىزىلقوعا اۋدانىنىڭ اكىمى بولىپ تاعايىندالدى. 2017 جىلدىڭ قازان ايىندا اتىراۋ وبلىسىنىڭ اۋىل شارۋاشىلىعى جانە ۆەتەريناريا باسقارماسىنىڭ باسشىسى قىزمەتىنە تاعايىندالدى.
ايماق باسشىسى نۇرلان نوعاەۆ جاڭا باسشىلارعا بىرقاتار ناقتى تاپسىرمالار بەردى. وسى ەكى سالانىڭ قايتا قۇرىلۋىنىڭ ماڭىزدىلىعىنا توقتالىپ, ەكى مەملەكەتتىك ورگانداردىڭ ارقايسىسىنىڭ ءوز سالالارىندا ۇلكەن جۇمىس بار ەكەنىن اتاپ ءوتتى.
