سونداي-اق بريفينگكە جامبىل وبلىسى توتەنشە جاعدايلار دەپارتامەنتىنىڭ وكىلدەرى دە قاتىستى. ق.الپىسباەۆ زارداپ شەككەندەردى قولداۋدىڭ بارلىق مۇمكىن شارالارى جاسالىپ جاتقاندىعىنا توقتالدى. قازاقستان رەسپۋبليكاسى زاڭناماسى بەكىتكەن تولەمدەردەن وزگە, «قازاقستان تەمىر جولى» ۇلتتىق كومپانياسى قازالى وتباسىنا 2 ميلليوننان استام تەڭگە, زارداپ شەككەندەرگە العان جاراقاتتارىنىڭ دەنساۋلىعىنا كەلتىرگەن زالالىنىڭ اۋىرلىعىنا بايلانىستى 500 مىڭ تەڭگەدەن 1 ميلليون تەڭگەگە دەيىن قارجى بەرەدى, دەدى.
سونداي-اق, جولاۋشىلار «جولاۋشىلار تاسىمالى» اق-تىڭ «نسك» ساقتاندىرۋ كومپانياسىمەن وتكەن جىلى جاساسقان كەلىسىمشارتىنا وراي ءتيىستى وتەماقى الا الاتىنى بەلگىلى بولدى. ساقتاندىرۋ كومپانياسىنىڭ قوسىمشا وتەماقى تولەۋ ماسەلەسى «قتج» ۇك» ااق-تىڭ ەرەكشە باقىلاۋىندا تۇر ەكەن. ق.الپىسباەۆتىڭ ايتۋىنشا, «قتج» ۇك» اق جانىنان جەدەل شتاب قۇرىلدى. ول ۆاگونداردىڭ جولدان شىعىپ كەتۋىنە قاتىستى بارلىق زارداپتاردى جويۋدىڭ شارالارىن ۇيلەستىرەدى. ارنايى كوميسسيا وقيعانىڭ سەبەبىن ساراپتاۋدا. ونىڭ ناتيجەسى قوسىمشا حابارلاناتىن بولادى.
«ەگەمەن-اقپارات»
