زەرتتەۋشىلەر باتىس مەكتەبىنە جاتقىزعانمەن,ءۇستىرت- ماڭعىستاۋ مەكتەبى-وزىندىك سىر-سيپاتى بار, جىرشىلىق, انشىلىك جانە كۇيشىلىك ورتاسى قالىپتاسقان ءوز الدىنا جەكە مەكتەپ. قر مادەنيەت سالاسىنىڭ ۇزدىگى اقمارال ەرىمبەتوۆا, ءاسانالى كوشەروۆ, «مەن قازاقپىن» مەگا جوباسىنىڭ باس جۇلدەگەرى وسپان قۇلسىماق باستاعان ماڭعىستاۋ مەكتەبىنىڭ وكىلدەرى جىر كەشىنىڭ شىمىلدىعىن اشتى. كەشتە ارالبايدىڭ ء«سوز باسى», (ورىند.ءازىمحان بايماعانبەتوۆ), اسان امەن ۇلى «شىن جاقسىنىڭ بەلگىسى» (ورىند. وسپان قۇلسىماق), سونداي-اق, باتىس ونەر مەكتەبىنىڭ ءان-جىرلارىنان حالىق ءانى «شىمىر» (ورىنداعان كۇلاش دوسمۇحاممەدوۆا), مۇحيت مەرالى ۇلى “ۇلكەن ايداي” (ورىن. اينۇر وماروۆا), حالىق كۇيى “ارمان” (ورىن. بەرىك تولەمبەتوۆ) ت.ب شىعارمالار ورىندالدى.
سىر بويى, جەتىسۋ, ارقا مەكتەبى وكىلدەرى جىرلاعان جىرلار مەن ورىنداعان اندەر كەشتىڭ ءسانىن كەلتىردى.نارتايدىڭ باستاۋ تەرمەسى ورىنداعان مارات سافاروۆ , ىقىلاس دۇكەن ۇلى «ايراۋىقتىڭ اششى كۇيى» ورىنداعان گۇلجامال ەربوزوۆا , كەنەن ازىرباەۆ «تىك شىرقاۋ» (ور. سەرىجان ماسجانوۆ), يسانىڭ «جەلدىرمەسى» (ورىن. ەكپىن تولقىنحان) سەكىلدى قازاق ونەرىنىڭ قايتالانباس تۋىندىلارى اۋەنىنىڭ بايلىعىمەن, كەڭ تىنىستىلىعىمەن ەرەكشەلەندى.
«رۋحاني جاڭعىرۋ» باعدارلاماسى اياسىندا ەرتەدەن كەلە جاتقان جىرشىلىق, انشىلىك ءداستۇردى ناسيحاتتاۋ, سيرەك ورىندالاتىن شىعارمالاردى جاڭعىرتىپ, حالىققا ۇسىنۋ, قالا تۇرعىندارىنىڭ مادەني دەمالىسىن ۇيىمداستىرۋ ماقساتىنداعى كەشكە 300-دەن استام كورەرمەن جيىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
