جولدى جاڭعىرتۋ جۇمىستارى پويىزدىڭ ءجۇرۋ جايلىلىعىن, جول بويىندا جولاۋشىلارعا بارىنشا قولايلى جاعداي جاسالۋىن, جۇكتى جەدەل جەتكىزۋگە ىقپال ەتەدى.
قازىرگى تاڭدا اقمولا, قوستاناي, سەمەي, اتىراۋ جول بولىمشەلەرىنىڭ اۋماعىندا جولدى ورتاشا جوندەۋ جۇمىستارى جالعاسۋدا. ورتاشا جوندەۋ جۇمىسى 16 شاقىرىم تەلىمگە جاسالدى. ارىس, تۇركىستان ستانتسيالارىندا ستانتسيالىق جولدار جاڭعىرتىلدى. جەتىباي –وزەن قۋما جولىندا, قوستاناي, سولتۇستىك, قۇسمۇرىن, وسكەمەن-1, قازىعۇرت ستانتسيالارىندا جۇمىس جالعاسۋدا. ورىندالعان جوندەۋ جۇمىستارى 34 شاقىرىمعا جەتكىزىلدى.
جوندەۋ جۇمىستارى ەكىنشى جارتى جىلدىقتا جالعاسىن تابادى. كۇزدە 46 شاقىرىمدىق ستانتسيالىق جولدار, 12 شاقىرىم ستانتسيانىڭ وزىندە جۇرگىزىلەدى.
جازعى جوندەۋ جۇمىستارى باستالعالى 760 شاقىرىم جول DUOMAT كەشەندى جول ماشيناسىمەن تۇزەتىلىپ, 484 شاقىرىمى تىعىزدالدى. 1600 شاقىرىمدىق رەلس تازالانىپ, 82 شاقىرىمدىق جولدىڭ قيىرشىعى تازارتىلدى. جالپى العاندا كەشەندى جول ماشينالارىن قولدانىپ 3000 شاقىرىم قامتىلدى.
«قتج» ۇك» اق-ىندا ينفراقۇرىلىمى نىساندارىن قالىپتى ۇستاۋ, كۇردەلى جوندەۋ جۇمىستارىن ورىنداۋ بەكىتىلگەن جوسپارعا جانە بەلگىلەنگەن مەرزىمگە سايكەس ورىندالادى.
