«قۇرمەتتى قاۋىم, سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىن! ەلوردامىزدا دەنساۋلىق ساقتاۋ سالاسى سەرپىندى دامىپ كەلەدى. ەلباسىمىز ايتقانداي, حالىقتىڭ سانىن ساقتاۋ - ەڭ باسىم ستراتەگيالىق ەڭ باسىم مىندەتتەردىڭ ءبىرى. ويتكەنى ادام جانىن ساقتاپ قالۋدان باسقا ارتىق قاسيەت جوق. ومىرگە كەلگەننەن باستاپ, ءبىز سىزدەردىڭ مەيىرىمدەرىڭىزبەن شاپاعاتتارىڭىزعا بولەنىپ كەلەمىز. ادامزات ءۇشىن ادامنىڭ اماندىعىنان اسقان بايلىق جوق. ال ونى مىنا وتىرعان سىزدەر ساقتاپ, قورعاپ كەلەسىزدەر. وسىعان وراي, بارلىعىمىزدىڭ اتىمىزدان سىزدەرگە زور العىسىمدى بىلدىرەمىن!», - دەدى اسەت يسەكەشەۆ «التىن شيپاگەر» سىيلىعىن تابىستاۋ سالتاناتىندا.
ايتا كەتەيىك, ەلوردانىڭ دەنساۋلىق ساقتاۋ سالاسىنىڭ ماماندارىنا ارنالعان «التىن شيپاگەر» سىيلىعى بيىل العاش رەت ۇيىمداستىرىلدى. وعان قاتىسۋعا مىڭنان استام ءوتىنىش تۇسكەن.
سىيلىق 10 اتالىم جانە ەكى ارنايى نوميناتسيا بويىنشا تابىستالدى. ارنايى سىيلىقتىڭ ءبىرىن «حابار» ارناسى تاعايىندادى, ال بىرەۋى مەديتسينا سالاسىنىڭ دامۋىنا ۇلەس قوسقان ارداگەر مامانعا بەرىلدى.
نومينانتتاردىڭ بارلىعى ءبىر ميلليون تەڭگە كولەمىندەگى سىياقى مەن ارنايى تاپسىرىسپەن لاۆر جاپىراعىنىڭ ۇلگىسىندە جاسالىپ, التىن جالاتىلعان مۇسىنگە يە بولدى.
