سۋرەتتە: اۋدارىسپاق سايىسىنىڭ جەڭىمپازدارى
العاشقى كۇنى ۇيىمداستىرىلعان تەڭگە ءىلۋ سايىسىنىڭ شارتى – 150 مەتر قاشىقتىقتى 20 سەكۋند ىشىندە شاۋىپ ءوتىپ, جول ورتاعا تىگىلگەن 5 تەڭگەنى ءىلىپ الۋ. ىلىنگەن تەڭگە سانى بىردەي بولعان جاعدايدا, شاۋىپ وتكەن جىلدامدىعى ەسكەرىلدى, دەيدى جارىستى ۇيىمداستىرۋشىلار.
سونىمەن تەڭگە ءىلۋدىڭ التىن مەدالىن 1 500 000 تەڭگە جۇلدەسىمەن قوسا وڭتۇستىك وكىلى ماعجان ساپاربەكوۆ جەڭىپ السا, كۇمىس جۇلدە دە جەڭىمپازدىڭ اۋىلداسى عالىمجان يزجانوۆقا بۇ-
يىردى. قولا مەدال قىرعىزستاندىق امانتۋر مينۋر ۇلىنا بۇيىردى.
كەلەسى كۇنى بەس سالماق بويىنشا اۋدارىسپاقتان وتكەن سايىستىڭ بارلىق جەڭىمپازدارى قازاقستاندىق سپورتشىلار, ياعني جەرلەستەرىمىز بولدى. اتاپ ايتقاندا, 60 كەلى سالماق دارەجەسى بويىنشا: 1-ءشى ورىن – سەرعازين ازامات (قازاقستان); 2-ءشى ورىن – ماتەي بازارباي (موڭعوليا); 3-ءشى ورىن – ساعانبەكوۆ اكىل (قىرعىزستان).
70 كەلى سالماق دارەجەسى بويىنشا: 1-ءشى ورىن – ەرجانوۆ شىڭعىس (قازاقستان); 2-ءشى ورىن – موحاممەد يسحاد (اۋعانستان); 3-ءشى ورىن – باكبولات ۋلى ازيرەت (قىرعىزستان).
80 كەلى سالماق دارەجەسى بويىنشا: 1-ءشى ورىن – ءراحماتىللا ەسىمحان (قازاقستان); 2-ءشى ورىن – مينۋر ۇلى امانتۋر (قىرعىزستان); 3-ءشى ورىن – سەرىك جەڭىسبەك (موڭعوليا).
90 كەلى سالماق دارەجەسى بويىنشا: 1-ءشى ورىن – ءىزباساروۆ سىرىم (قازاقستان); 2-ءشى ورىن – حولوۆ فارحوت (تاجىكستان); 3-ءشى ورىن – بايىسعالان دوسجان (موڭعوليا).
+ 90 كەلى سالماق دارەجەسى بويىنشا: 1-ءشى ورىن – قوساليەۆ ءبىرجان (قازاقستان); 2-ءشى ورىن – تاليپوۆ يحتيار (وزبەكستان); 3-ءشى ورىن – جۇمابەك دۋمان (قحر).
بۇلاردىڭ سىرتىندا اۋدارىسپاقتان جارىستىڭ «تۇيە بالۋانى» انىقتالدى. ياعني ءابسوليۋتتى سالماق بويىنشا 10 ازامات سايىسقا ءتۇسىپ, چەمپيوندىق بەلدىك پەن 2 ميلليون تەڭگە جۇلدە قورى اقتوبەلىك ارمان ساعىنباەۆتىڭ قانجىعاسىنا بايلاندى.
بەكەن قايرات ۇلى,
«ەگەمەن قازاقستان»
