«قازىرگى ۋاقىتتا بۇل ۆاكتسينا تەگىن مەديتسينالىق كومەكتىڭ كەپىلدىك بەرىلگەن كولەمىنە ەنبەگەن جانە مەملەكەت ونىڭ باعاسىن رەتتەمەيدى. كاسىپكەرلەر وزدەرى ۇيعارعان باعانى بەكىتەدى. ءبىزدىڭ 6 700 ۆاكتسينا جەتكىزىلدى جانە ولار بولشەك ساۋدا نارىعىندا مەديتسينالىق ورتالىقتار مەن ۆاكتسينالاۋ كابينەتتەرى ارقىلى تارالۋدا. قازىر مەملەكەت تاراپىنان تەگىن ۆاكتسيناتسيا جۇرگىزۋگە قاتىستى ماسەلە تالقىلانۋدا. ول قوعامدىق دەنساۋلىق ساقتاۋ كوميتەتىنىڭ قۇزىرىندا», - دەدى ارنۇر نۇرتاەۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
سونىمەن بىرگە, قر دەنساۋلىق ساقتاۋ مينيسترلىگى فارماتسيا كوميتەتىنىڭ توراعاسى ليۋدميلا بيۋرابەكوۆا استاناداعى جۇقپالى اۋرۋلار اۋرۋحاناسىنىڭ قاجەتتى پرەپاراتتارمەن تولىق قامتىلعانىن حابارلادى. «اۋرۋ بەلگىلەرى پايدا بولىپ, دياگنوز قويىلعان جاعدايدا ناۋقاستار جۇقپالى اۋرۋلار اۋرۋحاناسىنا جەتكىزىلەدى. جۇقپالى اۋرۋلار اۋرۋحاناسىنا قاجەتتى دارىلەر بىرىڭعاي ديستريبيۋتور تىزىمىندە بار جانە ساتىپ الىنعان. جەكسەنبى كۇنى ءوزىم استاناداعى بالالارعا ارنالعان جۇقپالى اۋرۋلار اۋرۋحاناسىنا بارىپ, پرەپاراتتاردى تەكسەردىم. بارلىق انتيبيوتيكتەر بار. پاتسيەنتكە قاجەتتى بارلىق تەراپيا تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا مەملەكەتتىك بيۋدجەت ەسەبىنەن قامتاماسىز ەتىلگەن», - دەدى ليۋدميلا بيۋرابەكوۆا.
