ءۇش كۇن بويى ءجانتورين اتىنداعى ماڭعىستاۋ وبلىستىق مۋزىكالىق دراما تەاترىندا «اق تىلەكپەن, استانا!» كورمەسى جۇمىس ىستەدى. ەسكە سالايىق, ەكسپوزيتسياعا 50 قازاقستاندىق سۋرەتشىنىڭ 100-گە تارتا ەڭبەگى شىعارىلدى.
سونىمەن قاتار, «جاستار» تەاترىنىڭ ارتيستەرى اقتاۋلىقتارعا ۇزدىك قويىلىمدار ۇسىندى. ولاردىڭ قاتارىندا قويۋشى-رەجيسسەر قازاقستاننىڭ ەڭبەك سىڭىرگەن قايراتكەرى نۇرقانات جاقىپبايدىڭ «قىز جىبەك» ميۋزيكلى جانە «جانارىمداعى جالعىز اۋەن» («زريمايا پەسنيا») قويىلىمى, سونداي-اق ۋيليام شەكسپيردىڭ «اساۋعا تۇساۋ» («ۋكروششەنيە ستروپتيۆوي») كومەدياسى بار.
مادەني باعدارلاما اياسىندا «استانادان اق تىلەك» گالا-كونتسەرتى ءوتىپ, اقتاۋلىقتار استانا قالاسى اكىمدىگى مەملەكەتتىك اكادەميالىق فيلارمونياسى ۇجىمدارىنىڭ شىعارماشىلىعىمەن تانىسادى. اتاپ ايتقاندا, قر ەڭبەك سىڭىرگەن قايراتكەرى ايتقالي جايىموۆ جەتەكشىلىك ەتەتىن قازاق وركەسترى, ەسترادالىق بي, «شالقىما» حالىق ءبيى انسامبلدەرى, ەسترادالىق, كلاسسيكالىق جانە حالىق ۆوكالى سوليستتەرى ءوز ونەرلەرىن ورتاعا سالدى. سونىمەن قاتار, كلارا تولەنباەۆا, «ارت-دومبىرا» تريوسى, رينات مالتساگوۆ, كۇلايىم قايىرباەۆا, ايگۇل قوسانوۆا, الماس كىشكەنباەۆ, تامارا اسار سىندى قازاق ەستراداسىنىڭ تانىمال ارتيستەرى استانادان جالىندى مۋزىكالىق سالەم جەتكىزدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
