تاراپتار كونسۋلدىق سالاداعى ەكىجاقتى ىنتىماقتاستىقتىڭ, ەكى ەلدىڭ ازاماتتارىنىڭ قۇقىقتارى مەن مۇددەلەرىن قورعاۋدىڭ, سونداي-اق قازاقستان مەن قىتاي تۇرعىندارىنىڭ ءوزارا ساپارلارىنىڭ وزەكتى ماسەلەلەرى بويىنشا تولىققاندى كەلىسسوزدەر جۇرگىزدى.
قازاقستاندىق تاراپ قىتايدان قازاقستانعا قونىس اۋدارعان جانە قازاقستان رەسپۋبليكاسىنىڭ ازاماتتىعىن العان ەتنوستىق قازاقتاردىڭ جاعدايىنا قاتىستى ماسەلەنى قوزعادى. قىتايدا قوس ازاماتتىق ءۇشىن ۇستالعان ەتنوستىق قازاقتاردىڭ ىستەرىن وبەكتيۆتى جانە ءادىل قاراۋ مەن ولاردى بوساتۋ تۋرالى تاباندى تىلەك ايتىلدى. قىتايدىڭ شىڭجاڭ-ۇيعىر اۆتونوميالىق ايماعىنداعى ەتنوستىق قازاقتاردىڭ ماسەلەلەرىن شەشۋدىڭ ورتاق امالىن ويلاستىرۋعا ۋاعدالاستى.
سونىمەن قاتار كونسۋلتاتسيالار بارىسىندا ەلدەر اراسىنداعى ۆيزالىق رەجىمدى جەڭىلدەتۋ ماسەلەلەرى تالقىلاندى. تاراپتار ەكى ەلدىڭ حالىقارالىق اۋەجايلارىندا قازاقستان جانە قىتاي ازاماتتارىنىڭ كەلۋ-كەتۋ جانە ترانزيتپەن ءوتۋ ءتارتىبى تۋرالى اقپاراتپەن الماستى.
ۆيزالىق ساياسات سالاسىندا تۋىندايتىن ماسەلەلەردىڭ تەحنيكالىق سيپاتىن ەسكەرە وتىرىپ, تاراپتار ەكى ەل ازاماتتارىنىڭ ءوزارا ساپارلارى ءۇشىن قولايلى جاعداي جاساۋعا دايىن ەكەندىگىن ءبىلدىردى, سونداي-اق تۇراقتى كونسۋلتاتسيالاردى ودان ءارى جالعاستىرۋعا كەلىستى.
قامبار احمەت,
«ەگەمەن قازاقستان»
