قازاقستان • 29 مامىر، 2018

سدۋ ستارتاپەرلەرى JobBer ءموبيلدى قوسىمشاسىن ويلاپ تاپتى

180 رەتكورسەتىلدى

سۋلەيمان دەميرەل ۋنيۆەرسيتەتىنىڭ ستارتاپەرلەرى قر تۇڭعىش پرەزيدەنتى &ndash؛ ەلباسى قورىنىڭ قارجىلاي قولداۋىمەن العاشقى وتاندىق ازاماتتاردى جۇمىسپەن قامتۋعا باعىتتالعان ءموبيلدى قوسىمشا ويلاپ تاپتى.

JobBer ءموبيلدى قوسىمشاسى جۇمىسسىزدىق دەڭگەيىن تومەندەتۋ ماقساتىندا، تاپسىرىس بەرۋشىلەردىڭ (جۇمىس بەرۋشىلەردىڭ) جانە جۇمىس ىزدەگەن ادامداردىڭ (جۇمىسشىلاردىڭ) ءوزارا ءىس-قيمىلىن جەڭىلدەتۋگە باعىتتالعان الەۋمەتتىك ماڭىزى بار جوبا. ءموبيلدى قوسىمشانىڭ يدەياسى جوبا اۆتورلارىنا نارىقتا تۇجىرىمدامانى ىسكە اسىراتىن JB ستارتاپ كومپانياسىن قۇرۋعا جول اشتى.  ؛

قوسىمشانى ازىرلەگەن، JB ستارتاپىنىڭ نەگىزگى سەرىكتەستەرى مەن قۇرىلتايشىلارى PhD دوكتورى، سدۋ-دىڭ ەكونوميكالىق، الەۋمەتتىك جانە ىسكەرلىك زەرتتەۋلەر ينستيتۋتىنىڭ اعا عىلىمي قىزمەتكەرى اسەل يزەكەنوۆا جانە سدۋ-دىڭ ينجەنەرلىك جانە جاراتىلىستانۋ فاكۋلتەنىنىڭ  ؛4-كۋرس ستۋدەنتى اليزادە پارۆين.

ۇيالى باعدارلاما ەڭ الدىمەن بەيرەسمي جۇمىسپەن قامتۋ نارىعىندا كوزدەلگەن، سەبەبى نەگىزگى پايدالانۋشى &ndash؛ قىزمەتكەرلەر ستۋدەنتتەر مەن ودان وزگە ءبىلىم الۋشىلار، ۇيدە جۇمىس ىستەيتىن ادامدار جانە ەڭبەك ءوتىلى نەمەسە جاس ەرەكشەلىگىنە بايلانىستى زەينەتكەرلەر، بەلگىلى ءبىر سەبەپتەرمەن رەسمي تۇردە جۇمىسقا ورنالاسا المايتىن ادامدار بولادى. جوبانىڭ بىرەگەيلىگى - قىزمەتكەرلەر تەك ءموبيلدى پلاتفورمانى قامتاماسىز ەتپەستەن، سونداي-اق ۇلكەن تاجىريبەسى بار، ءبىراق ۇيالى قوسىمشالاردى پايدالانۋ تۋرالى تولىق بىلىمدەرى جەتپەيتىن قارت ادامدار ءۇشىن قاجەتتى اقپاراتتىق ساۋاتتىلىق بويىنشا جەكە كەڭەستەر جۇرگىزەتىن كەڭسە ۇيىمداستىرۋ، - دەپ باياندادى جوبا جەتەكشىسى اسەل يزەكەنوۆا، قوسىمشانىڭ تۇساۋكەسەر راسىمىندە.

Android نەگىزىندەگى JobBer ءموبيلدى قوسىمشاسى پايدالانۋشىلارعا ءوز ۇسىنىستارىن ۇنەمى باقىلاۋدى ۇسىنادى. جۇمىس بەرۋشىلەر ءوز تاپسىرمالارىن دەربەس باسقارا الادى. قاراپايىمدىلىق &ndash؛ قوسىمشا جۇمىسىنىڭ نەگىزگى ارتىقشىلىعى - ەلەكتروندى پوشتانىڭ بولۋى جانە سول ارقىلى كليەنتتىڭ جانە تاپسىرمانى ورىنداۋشىنىڭ تىركەلۋى قاجەت. ۇيالى پلاتفورمانىڭ تۇجىرىمداماسىنىڭ ءۇش نەگىزگى كومپونەنتى ماقسات &ndash؛ جاۋاپكەرشىلىك &ndash؛ ىڭعايلىلىق. سونىمەن قوسا كومپانيا مەملەكەت قازىناسىنا  ؛سالىق تولەمدەرىن وتەيدى، بۇل &ndash؛ جۇمسىكەرگە رەسمي تۇردە جۇمىسقا ورنالاسۋىنا مۇمكىندىك بەرەدى.

- اتالمىش قوسىمشا شىن مانىندە مەملەكەتىمىزدىڭ دامۋىنا زور ۇلەسىن قوسادى دەگەن سەنىمدەمىن. جوبانىڭ باس سەرىكتەسى تۇڭعىش پرەزيدەنت قورىنا ەرەكشە العىسىمدى بىلدىرەمىن. سەبەبى قور قاراپايىم مىسالدار ارقىلى ومىرشەڭ، ءارى الەۋمەتتىك ماڭىزى بار جوبالارعا ءاردايىم قول ۇشىن بەرەدى. جوبا اۆتورلارىنا تەك عانا ساتتىلىك تىلەيمىن،- دەپ لەبىزىن ءبىلدىردى سدۋ رەكتورى قانات قوجاحمەت.

قازىرگى ۋاقىتتا جوبا اۆتورلارى دەمەۋشىلەردىڭ ۇسىنىستارىن قاراستىرۋعا ءازىر.

باننەر
سوڭعى جاڭالىقتار

ليساكوۆتىڭ «بايتەرەگى»

ايماقتار • كەشە

وقۋ مادەنيەتى

قوعام • كەشە

الاشتىڭ ايبوز ابىزى

رۋحانيات • كەشە

حالىق پىكىرىنە قۇرمەت

ساياسات • كەشە

اقتوبە وبلىسى جىلىتۋ ماۋسىمىنا دايىن

ايماقتار • 19 قىركۇيەك، 2019

ۇقساس جاڭالىقتار