مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» قازاقستان حالقىنا جولداۋىندا بەرگەن تاپسىرمالارىن ىسكە اسىرۋ, تەگىن مەديتسينالىق كومەكتىڭ كەپىلدىك بەرىلگەن كولەمىنىڭ (تمككك) جاڭا مودەلىن ازىرلەۋ تۋرالى بايانداي وتىرىپ دەنساۋلىق ساقتاۋ ءمينيسترى تمككك تىزبەسىن قالىپتاستىرۋعا جانە مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىندە مەديتسينالىق كومەك پاكەتىنە جاڭا تاسىلدەردى قاراۋدى ۇسىندى.
بۇل مودەلدى ەنگىزۋدى ءۇش كەزەڭدە جۇزەگە اسىرۋ كوزدەلگەن:
قازىرگى جاعدايدا تمككك-نى بارىنشا ناقتىلاۋ جانە وڭتايلاندىرۋ ماقساتىندا مەديتسينالىق قىزمەتتەردى باسىم ەتۋ جانە شەكتەۋ ارقىلى تمككك پاكەتىندەگى مەديتسينالىق كومەكتىڭ تولىق رەۆيزياسى جۇرگىزىلەتىن بولادى.
تمككك-ءنىڭ جاڭا مودەلىن ءمامس-ءتى ەنگىزۋمەن بىرگە ورىستەتۋ. بۇل كەزەڭ, ە. ءبىرتانوۆتىڭ ايتۋىنشا, ءبىر جاعىنان تمككك بويىنشا مەملەكەت مىندەتتەمەلەرىنىڭ ناقتى شەگىن بەلگىلەي وتىرىپ, مساك-تىڭ پروفيلاكتيكاسىنا جانە باسىمدىقتى دامىتۋعا باعىتتالعان ساياساتتى ودان ءارى قامتاماسىز ەتۋمەن, ەكىنشى جاعىنان ءمامس جۇيەسىنە تولىق اۋقىمدى كوشۋ جانە ودان ءارى دامىتۋمەن سيپاتتالادى.
مەديتسينالىق تەحنولوگيالاردى دامىتۋدى ەسكەرە وتىرىپ, تمككك جانە ءمامس تىزىمدەرىن ۇنەمى جاڭارتىپ وتىرۋ.
وسىلايشا, تمككك-دا مەديتسينالىق كومەك ءاربىر ادامعا جەدەل جانە شۇعىل كۇتتىرمەيتىن جاعدايلاردا, سونداي-اق بارلىق قوعامعا ماڭىزى بار, ياعني دەموگرافيالىق كورسەتكىشتەردىڭ ناشارلاۋىن تۋدىراتىن جانە مۇگەدەكتىككە الىپ كەلەتىن اۋرۋلار بويىنشا كورسەتىلەدى.
بيىل تمككك-نىڭ ناقتىلانعان تىزبەسى جاسالدى, ول مەديتسينالىق-سانيتارلىق العاشقى كومەكتىڭ پروفيلاكتيكالىق باعىتتىلىعىنا باسىمدىق بەرە وتىرىپ, مەديتسينالىق كومەكتىڭ فورمالارى بويىنشا قالىپتاستىرىلعان.
ء«مامس جۇيەسىندە مەديتسينالىق كومەك ءار ادامنىڭ ءومىر ساپاسىن جاقسارتۋعا باعىتتالاتىن بولادى. تمككك جاڭا مودەلىن جانە ءمامس جۇيەسىندە مەديتسينالىق قىزمەتتەر پاكەتىن ەنگىزۋدى قاراستىراتىن زاڭ جوباسى ازىرلەنىپ, ساراپتامانىڭ بارلىق كەزەڭدەرىنەن ءوتتى», — دەدى ە. ءبىرتانوۆ.
ماسەلەنى قاراۋ قورىتىندىسى بويىنشا پرەمەر-مينيستر باقىتجان ساعىنتاەۆ مەملەكەت باسشىسى ءوز جولداۋىندا تەگىن مەديتسينالىق كومەكتىڭ كەپىلدىك بەرىلگەن كولەمىنىڭ جاڭا مودەلىن ازىرلەۋدى تاپسىرعانىن اتاپ ءوتتى.
دەنساۋلىق ساقتاۋ مينيسترلىگىنىڭ تمككك-نى قۇرۋ جونىندەگى تاسىلدەرى قولداۋعا يە بولدى, بەلگىلەنگەن تارتىپتە ۇكىمەتكە بەكىتۋگە ۇسىنىلۋى ءتيىس.
سونىمەن قاتار, دەنساۋلىق ساقتاۋ مينيسترلىگىنە حالىقپەن اقپاراتتىق-ءتۇسىندىرۋ جۇمىستارىن جۇرگىزۋ تاپسىرىلدى. ءاربىر ازامات كەپىلدىك رەتىندە مەديتسينالىق كومەكتىڭ قانداي كولەمى تەگىن بەرىلەتىنىن, قانشاسى اقىلى نەگىزدە جۇرگىزىلەتىنىن ءبىلۋى ءتيىس.
