ءوڭىر باسشىسىنىڭ ايتۋىنشا بۇگىنگى كۇنى قۇقىق قورعاۋ جانە قاداعالاۋ ورگاندارىنىڭ, اۋىل شارۋاشىلىعى مينيسترلىگىنىڭ, سونداي-اق جەرگىلىكتى اتقارۋشى ورگانداردىڭ بىرلەسكەن جۇمىسىنىڭ ارقاسىندا اتىراۋ وبلىسىندا زاڭسىز بالىق اۋلاۋ جانە بالىق ءونىمىنىڭ اينالىمى تۇبىمەن جويىلدى دەپ سەنىممەن ايتۋعا بولادى.
- جاقىن كۇندەرى ءبىز بالىقتى تەك زاڭدى ادىسپەن عانا اۋلاۋعا قول جەتكىزەتىن بولامىز. قازىرگى ۋاقىتتا كاسىپكەرلەرىمىز جوعارى قوسىلعان قۇندى ءونىم الۋ ءۇشىن بالىقتى تەرەڭ قايتا وڭدەۋدى ەنگىزۋ باعىتىندا جۇمىستانۋدا. بىزدە بالىق اۋلاۋمەن جانە قايتا وڭدەۋمەن اينالىساتىن 19 تابيعات پايدالانۋشىنىڭ 1-ءنىڭ عانا ەۋروكودى بار – بۇل «امانگەلدى» وك, تاعى ءبىر جشس جاقىندا ەۋروكود العالى وتىر جانە بالىق ءونىمىن شەتەلگە ەكسپورتتاي الادى. ءبىزدىڭ كاسىپكەرلەرگە قولداۋ كورسەتۋ, ەكسپورتتالاتىن ءونىم سانىن ۇلعايتۋ جوسپارىمىزدا بار. بالىق ءونىمىن قايتا وڭدەۋ جانە ءوندىرۋ پروتسەسى تىكەلەي كاسىپورىنداردىڭ وزىمەن جەرگىلىكتى جەردە جۇرگىزىلۋى مۇمكىن. سودان كەيىن «اتىراۋدا جاسالعان» دەگەن ماركاسى بار دايىن ءونىمدى شەتەلدىك نارىققا ەكسپورتتاۋعا بولادى, - دەدى نۇرلان نوعاەۆ.
وڭىردە اگروونەركاسىپتىك كەشەن دامۋىنىڭ وڭ ديناميكاسى بايقالادى. قازىر اتىراۋ وبلىسى ءوزىن كارتوپپەن 40%, كوكونىس, جەمىس-جيدەك جانە باقشا داقىلدارىمەن 80 - 90% تولىق قامتاماسىز ەتىپ وتىر.
تاعى ءبىر جاعىمدى مىسال – اتىراۋ وبلىسىندا 8,5 مىڭ گەكتار ەگىستىكتىڭ 2,5 مىڭ گەكتارىندا تامشىلاتىپ سۋارۋ ءادىسى قولدانىلادى. ءوڭىر باسشىسىنىڭ ايتۋىنشا فەرمەرلەر توپىراقتىڭ, نەگىزىنەن سورتاڭدى بولىپ كەلەتىن ەرەكشە قۇرامىنا, سونداي-اق وندىرىستە زاماناۋي يننوۆاتسيالىق تەحنولوگيالاردى قولداناتىن فەرمەرلەرگە بەرىلەتىن ينۆەستيتسيالىق سۋبسيديالار الاتىندىقتان جاڭا تەحنولوگيانى قولدانىپ كورۋگە وزدەرى قىزىعۋشىلىق بىلدىرۋدە.
«اتامەكەن» ۇكپ پرەزيديۋمىنىڭ توراعاسى تيمۋر ق ۇلىباەۆ اتىراۋ وبلىسىندا اوك دامىتۋداعى وڭ سەرپىندى اتاپ ءوتتى جانە وڭىردە اۋىل شارۋاشىلىعى ءمينيسترى ومىرزاق شۇكەەۆتىڭ قاتىسۋىمەن بىرلەسكەن كەڭەيتىلگەن وتىرىس وتكىزۋ مۇمكىندىگى تۋرالى ايتتى.
- ءوڭىردى دامىتۋ كارتاسىن بىرلەسىپ جاسايىق, مۇندا اوك, سونىڭ ىشىندە بالىق ونەركاسىبىن, ءسۇت ءوندىرىسىن, مال شارۋاشىلىعىن دامىتۋ ماسەلەلەرى كورسەتىلەتىن بولادى. ءبىز وسى ماسەلەلەردىڭ بارلىعىن اۋىل شارۋاشىلىعى مينيسترلىگىمەن بىرگە جاساقتايمىز, جۇمىس جوسپارىن جاساپ, سول بويىنشا جۇمىس جاسايتىن بولامىز. بۇل جەردە اكك, وڭىرلىك كاسىپكەرلەر پالاتاسى جانە جەرگىلىكتى اتقارۋشى ورگاندار دا جاردەمدەسۋى ءتيىس, -دەپ ءسوزىن تۇيىندەدى تيمۋر ق ۇلىباەۆ.
