قالاداعى №11 مەكتەپتىڭ 9 سىنىپ وقۋشى قىزدى اكەسى پىشاقتاپ ولتىرگەن. قوستاناي وبلىستىق قىلمىستىق ىستەر جونىندەگى اۋدانارالىق مامانداندىرىلعان سوتتا سۋديا جاسۇلان اسىلبەكوۆ سەرگەي كلەپيكوۆكە ءومىر بويى باس بوستاندىعىنان ايىرۋ جازاسىنا ۇكىم وقىدى.
2004 جىلى ءوزىنىڭ ايەلى – وكسانانىڭ اناسىن ءولتىرىپ, 14 جىلعا سوتتالعان قىلمىسكەر 2016 جىلى مەرزىمىنەن بۇرىن بوسانىپ شىققان بولاتىن. قىزى وكسانا سەرگەيدىڭ قارىنداسىنىڭ قولىندا تاربيەلەنىپ جاتقان. كەشكە قاراي ءىشىپ كەلگەن سەرگەي ۇيگە كىرە بەرىستە قىزىنا پىشاق سالادى. قىزىنىڭ قان جوسا بولىپ جاتقانىن كورگەن سوڭ, پىشاقتى وزىنە سالادى, بىراق دارىگەرلەر ونى قۇتقارىپ قالادى.
وكسانانى ۇستازدارى مەن سىنىپتاستارى تەك جاقسى جاعىنان ەسكە الادى. ول ساباعىنا دا ۇلگەرگەن جانە سپورتپەن اينالىسقان.
ءنازيرا جارىمبەت,
«ەگەمەن قازاقستان»
