اتاپ ايتقاندا, قر ەنەرگەتيكا مينيسترلىگى, «سامۇرىق-قازىنا» ۇاق جانە اۆستريالىق Borealis كومپانياسىنىڭ اراسىندا اتىراۋ وبلىسىندا بىرىكتىرىلگەن گازحيميالىق كەشەن قۇرىلىسىنا قاتىستى ىنتىماقتاستىقتىڭ نەگىزگى شارتتارى تۋرالى, سونداي-اق اتىراۋ وبلىسىندا پوليپروپيلەن ءوندىرۋ زاۋىتىنداعى قاتىسۋ ۇلەسىن ساتىپ الۋعا قاتىستى ءوزارا تۇسىنىستىك تۋرالى مەموراندۋمدارعا قول قويىلدى.
اتىراۋ وبلىسىنىڭ اكىمى نۇرلان نوعاەۆ اۆستريالىق «Borealis» كومپانياسىنىڭ باسشىلىعىمەن كەزدەسۋ وتكىزدى. ينۆەستوردىڭ اتىراۋ وبلىسىنا تانىسۋ ماقساتىنداعى ساپارى كومپانيانىڭ بولاشاق جوبانىڭ ورنالاساتىن جەرى تۋرالى بارلىق قاجەتتى اقپارات الۋىنا مۇمكىندىك بەرەدى.
«Borealis» كومپانياسىنىڭ باسقارما توراعاسى الفرەد ستەرنگتىڭ ايتۋىنشا بۇل كومپانيا باسقارماسىنىڭ قازاقستانعا تولىق قۇرامداعى العاشقى ساپارى. ستەرنگ ينۆەستورلاردىڭ قازاقستان اۋماعىندا جوبانى ىسكە اسىرۋعا دەگەن قىزىعۋشىلىعىن اتاپ ءوتتى.
- ءبىز پوليەتيلەن مەن پوليپروپيلەن وندىرىسىندەگى كوشباسشىلاردىڭ ءبىرى بولىپ تابىلامىز. ءبىز ابۋ-دابي ارقىلى ازيا نارىعىن باعىندىرۋ ءۇشىن كوپ ۋاقىت جۇمسادىق. ءبىزدىڭ جوعارى تەحنولوگيالارىمىز بار, ءبىز وزىمىزگە تارتىمدى بولىپ تابىلاتىن وسى جوباعا قاتىسۋعا دايىنبىز, - دەدى الفرەد ستەرنگ.
كەزدەسۋ بارىسىندا اتىراۋ قالاسىنىڭ اكىمى سەرىك شاپكەنوۆ جەرگىلىكتى اتقارۋشى ورگانداردىڭ اتىراۋ قالاسى تۇرعىنداردىڭ بارلىق توبى ءۇشىن قولايلى ءارى جايلى بولۋى ءۇشىن بار كۇشىن سالىپ وتىرعانىن ايتا كەلە, ينۆەستورلارعا وبلىس ورتالىعىنداعى الەۋمەتتىك ينفراقۇرىلىم تۋرالى اڭگىمەلەدى.
ءوز كەزەگىندە اتىراۋ وبلىسىنىڭ اكىمى نۇرلان نوعاەۆ ءوڭىر اۋماعىندا جوبانى ىسكە اسىرۋعا بارلىق قاجەتتى كومەك كورسەتۋگە دايىن ەكەنىن ءبىلدىردى.
- مەملەكەت باسشىسى نۇرسۇلتان نازارباەۆ ەلىمىزگە ينۆەستورلار تارتۋعا باسا نازار اۋدارادى. قازاقستاننىڭ الەۋەتى زور, ونى يگەرۋگە وزىق تەحنولوگيالار مەن بىلىكتى كادرلاردى تارتۋ قاجەت. ءبىز ناتيجەلى ىنتىماقتاستىققا دايىنبىز, -دەدى ءسوز سوڭىندا نۇرلان نوعاەۆ.
ينۆەستورلارمەن كەڭەسكە قر ەنەرگەتيكا ۆيتسە-ءمينيسترى ماعزوم مىرزاعاليەۆ پەن «بىرىكتىرىلگەن حيميالىق كومپانيا» جشس باسشىلىعى قاتىستى.
Borealis الەمدەگى پوليەتيلەن ءوندىرۋشى 4 ءىرى كومپانيانىڭ قاتارىنا كىرەدى, ءارى جوعارى تەحنولوگيالى جانە جوعارى مارجينالدىق بولىپ تابىلادى. Borealis اكتسيونەرلەرى Mubadala (واە) – 64% جانە OMV (اۆستريا) – 36%.
