«كەمەل كاسىپكەر» چەمپيوناتى ستۋدەنتتەردى كاسىپكەرلىك ويلاۋعا, بيزنەستى جۇرگىزۋ بارىسىندا كەزدەسەتىن كەدەرگىلەردى شەشۋگە ۇيرەتۋگە باعىتتالعان. سايىس ءارتۇرلى ىسكەرلىك ويىن تۇرلەرىنەن قۇرالعان.
قاتىسۋشىلارعا ەكونوميكالىق داعدارىسقا ۇشىراعان كومپانيالاردى قۇتقارۋ جونىندە بيزنەس-كەيستى شەشۋ تۋرالى تاپسىرما بەرىلدى. ستۋدەنتتەر كوماندالارعا بىرىگىپ, كومپانيا كەڭەسشىلەرى رەتىندە جابىلۋ الدىنداعى بيزنەس نىساندارىن قالاي قۇتقارۋ كەرەكتىگى جونىندەگى پىكىرلەرىن ورتاعا سالدى.
«كەمەل كاسىپكەر» چەمپيوناتىندا بارلىعى 200-گە تارتا ستۋدەنت باق سىنادى. جارىس قورتىندىسىنا ساي, اقتوبە پوليتەحنيكالىق كوللەدجىنىڭ «اۆتوماتتاندىرۋ جانە باسقارۋ» ماماندىعىنىڭ 2-3 كۋرس ستۋدەنتتەرىنەن قۇرالعان VaBank جانە ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىنىڭ «كولىك تەحنيكالارى» ماماندىعىنىڭ 1-كۋرس ستۋدەنتتەرىنىڭ KazTech كوماندالارى جەڭىسكە جەتتى. جەڭىمپازدار جاس كاسىپكەرلەرگە ارنالعان Summer Boot Camp جازعى لاگەرىنە جولداما الدى.
«چەمپيونات جاستاردىڭ ءوزىن-ءوزى باعالاۋلارىنا وڭ اسەرىن تيگىزگەنىن سەنىممەن ايتا الامىن. جۇرت الدىنا شىعىپ, ەركىن سويلەۋ, ءوز يدەيالارىڭدى قورعاي ءبىلۋ بۇل جارىستان العان پايدامنىڭ ءبىر بولىگى عانا. ءبىز باسقا ماماندىقتا وقىعانىمىزبەن, نارىق زامانىندا كاسىپكەرلىك ءبىلىم ارتىق بولمايدى»,-دەيدى اقتوبە پوليتەحنيكالىق كوللەدجىنىڭ ستۋدەنتى تۇرار وكسىگەنوۆ.
تەمىر قۇسايىن,
«ەگەمەن قازاقستان»
اقتوبە
