ەڭ باستىسى بۇل وقۋلىقتار الەمنىڭ 44 ەلىندە شىعارىلىپ, 34 تىلگە اۋدارىلعان جانە تيراجىنىڭ جالپى سانى 47 ميلليوندى قۇراعان. وسىنداي وقۋلىقتاردى مەملەكەتتىك باعدارلامانىڭ بارىسىندا اۋدارۋ جانە ولاردى ەركىن تاراتۋ الەمدە تەڭدەسى جوق ءىس-شارا بولىپ تابىلادى.
اۋدارىلعان كىتاپتاردىڭ ىشىندە فيلوسوفيانىڭ دامۋىنا ايرىقشا ۇلەس قوسقان ويشىلداردىڭ تۇلعاسى مەن ولاردىڭ شىعارماشىلىعىنا ارنالعان دەرەك دجونستوننىڭ «فيلوسوفيانىڭ قىسقاشا تاريحى» دەگەن ەڭبەگى اۋدارىلعان. كىتاپتا اۆتور باتىس داستۇرىندەگى كورنەكتى فيلوسوفتاردىڭ نەگىزگى ەڭبەكتەرى مەن تەوريالارىن وقىرماندارعا كەزەڭ-كەزەڭمەن تانىستىرادى جانە فيلوسوفتاردىڭ ءومىر سۇرگەن داۋىرىنە شولۋ جاساپ, شىعارمالارىنىڭ نەگىزگى يدەيالارىن تالداۋعا باسىمدىق بەرگەن.
كەلەسى وقۋلىق وكسفورد ۋنيۆەرسيتەتىنىڭ ۆيتسە-كانتسلەرى, بريتان اكادەمياسىنىڭ پرەزيدەنتى بولعان ەنتوني كەننيدىڭ ءتورت بولىمنەن تۇراتىن فيلوسوفيا ءىلىمىنىڭ ەجەلگى زامانىنان بۇگىنگە دەيىنگى دامۋىن تولىق قامتيتىن ەڭبەگى «باتىس فيلوسوفياسىنىڭ جاڭا تاريحى. 1-توم: انتيكا فيلوسوفياسى» جانە «باتىس فيلوسوفياسىنىڭ جاڭا تاريحى. 2-توم: ورتا عاسىر فيلوسوفياسىنا» ارنالعان. وندا پيفاگور مەن فالەستەن باستالىپ, فيلوسوفيانىڭ حريستيان داۋىرىنە جەتكىزگەن قاسيەتتى اۆگۋستينمەن اياقتالادى. جالپى, بۇل وقۋلىقتار باتىس وركەنيەتىن تۇسىنگىسى كەلەتىن ورتا ءۇشىن فيلوسوفيا تاريحىنا ارنالعان ءتورت بولىكتەن تۇراتىن توپتامانىڭ ءبىرىنشى جانە ەكىنشى تومى بولىپ تابىلادى.
پاريج ۋنيۆەرسيتەتىنىڭ پروفەسسورى رەمي حەسستىڭ «فيلوسوفيانىڭ تاڭداۋلى 25 كىتابى» اۋدارىلىپ جارىققا شىقتى. وسى كىتاپ ارقىلى اۆتور باتىستىڭ اسا كورنەكتى ويشىلدارىن, ولاردىڭ شىعارمالارىن تانىستىرىپ جانە سول ماقساتپەن باتىس فيلوسوفياسىنىڭ دامۋىنىڭ ەلەۋلى كەزەڭدەرىن كورسەتەدى دەگەن 25 شىعارمانى ىرىكتەپ ۇسىنعان.
ءدىنتانۋ سالاسىندا بريتاندىق فيلوسوف, ءدىنتانۋشى كارەن ارمسترونگتىڭ «يۋدايزم, حريستياندىق پەن يسلامداعى 4000 جىلدىق ىزدەنىس: قۇدايتانۋ بايانى» ەڭبەگى اۋدارىلعان ارمسترونگتىڭ بۇل ەڭبەگى جالپى الەمنىڭ 30-دان استام تىلىنە اۋدارىلىپ, ميلليونداعان تارالىممەن شىققان ءدىنتانۋ سالاسىنداعى ەڭ بەدەلدى ەڭبەكتەردىڭ ءبىرى بولىپ تابىلادى. اتالعان وقۋلىقتا سانامىزداعى ءبىر قۇدايعا دەگەن سەنىم قايدان كەلىپ ورنىقتى؟ ادامزاتتىڭ جاراتۋشى تۋرالى تۇسىنىگى قالاي وزگەرىپ وتىردى دەگەن سياقتى ماڭىزدى سۇراقتارعا جاۋاپ ىزدەلەدى.
مادەنيەتتانۋ سالاسىندا الەمنىڭ ۇزدىك ۋنيۆەرسيتەتتەرىندە كەڭىنەن پايدالانىلىپ جۇرگەن الان بارناردتىڭ «انتروپولوگيا تاريحى مەن تەورياسى» اتتى وقۋلىعى دا قازاق تىلىنە اۋدارىلدى. كىتاپتىڭ مازمۇنى انتروپولوگيا عىلىمىنىڭ قالىپتاسۋ تاريحىن, ونداعى ەۆوليۋتسيا تەوريا-
سى تۋرالى تۇجىرىمداردى, رەلياتيۆيزم, سترۋكتۋراليزم مەن پوستسترۋكتۋراليزمنىڭ ءتۇرلى سالالارىن جانە ەندى عانا قالىپتاسىپ جاتقان ينتەرپرەتاتسيالىق جانە پوستمودەرنيستىك كوزقاراستارعا قاتىستى تاقىرىپتار كەڭىنەن قامتىلعان.
قورىتا ايتار بولساق, بۇل وقۋلىقتاردىڭ بارلىعىن الەمنىڭ ۇزدىك ۋنيۆەرسيتەتتەرىندە, مىسالى, كەمبريدج, گارۆارد, وكسۆورد, جانە ماسكەۋ ۋنيۆەرسيتەتتەرىنىڭ ستۋدەنتتەرى كەڭىنەن پايدالانادى. سوندىقتان بۇل جوبانىڭ اياسىندا قازاقستاندىق ستۋدەنتتەر, وقىتۋشىلار, عالىمدار مەملەكەتتىك تىلدە الەمدەگى ەڭ تانىمال ۋنيۆەرسيتەتتەردىڭ وقۋلىقتارىنا قول جەتكىزۋى وتە ماڭىزدى بولىپ تابىلادى.
سالتانات اۋباكيروۆا,
PhD دوكتور, س.تورايعىروۆ اتىنداعى پمۋ-دىڭ «فيلوسوفيا جانە الەۋمەتتىك- گۋمانيتارلىق پاندەر كافەدراسىنىڭ قاۋىمداستىرىلعان
پروفەسسورى (دوتسەنت)
