جيىنعا قازاقستان رەسپۋبليكاسىنىڭ پرەمەر-ءمينيسترىنىڭ ءبىرىنشى ورىنباسارى اسقار مامين, رەسەي فەدەراتسياسىنىڭ ۆيتسە-پرەمەرى يۋري ترۋتنەۆ, تاتارستان رەسپۋبليكاسىنىڭ پرەزيدەنتى رۋستام ميننيحانوۆ, قر-نىڭ رەسەيدەگى توتەنشە جانە وكىلەتتى ەلشىسى يمانعالي تاسماعامبەتوۆ جانە 150-گە جۋىق رەسەيلىك جانە حالىقارالىق ينۆەستور قاتىستى.
قور باسشىسى رەسەيلىك جانە حالىقارالىق ىسكەرلىك قاۋىمداستىق وكىلدەرىنە «سامۇرىق-قازىنا» ۇلتتىق ءال-اۋقات قورى اكتيۆتەرىنىڭ ينۆەستيتسيالىق مۇمكىندىكتەرىن تانىستىردى. ول ءوز سوزىندە 2022 جىلعا دەيىن IPO-عا قوردىڭ 6 كومپانياسىن, ولاردىڭ ىشىندە ۇشەۋىن – «قازاتومونەركاسىپ», «ەير استانا» جانە «قازاقتەلەكوم» بيىلعى جىلى شىعارۋ جوسپاردا بار ەكەنىن اتاپ ءوتتى.
«سامۇرىق-قازىنا» قورى قۇنى 74 ملرد اقش دولل. قۇرايتىن قازاقستاننىڭ جوعارى ساپالى اكتيۆتەرىنىڭ ەڭ ءىرى پورتفەلىنە يە جانە ولار ەكونوميكانىڭ ءارتۇرلى سالالارىن قامتيدى. جەكەشەلەندىرۋ باعدارلاماسى ءبىزدىڭ كومپانيالارعا ءتيىمدى كاپيتال سالۋدى جۇزەگە اسىرۋدىڭ مۇمكىندىگىن ۇسىنادى. بيىل 50 اكتيۆتىڭ جەكەشەلەندىرىلۋىن اياقتاۋدى جوسپارلاپ وتىرمىز. ولاردىڭ اراسىندا ەكونوميكانىڭ ءتۇرلى سالالارىندا جۇمىس ىستەيتىن ءىرى, ورتاشا جانە شاعىن كومپانيالار دا بار. الداعى ۋاقىتتاعى مىندەت – بىزدىڭ كومپانيالاردىڭ تيىمدىلىگىن ارتتىرۋ, پورتفەلدى ءتيىمدى باسقارۋ جانە تۇراقتى دامۋدى قامتاماسىز ەتۋ. بۇل باستى ماقساتتار قوردى دامىتۋدىڭ 2028 جىلعا دەيىنگى جاڭا ستراتەگياسىنىڭ نەگىزىنە اينالىپ وتىر», - دەپ اتاپ ءوتتى احمەتجان ەسىموۆ.
الەۋەتتى ينۆەستورلار جەكەشەلەندىرۋ باعدارلاماسىنا جانە IPO ۇلكەن قىزىعۋشىلىق تانىتتى. سونىمەن بىرگە ستراتەگيالىق ينۆەستورلارعا ساتىلاتىن «سامۇرىق-ەنەرگو» جانە «تاۋ-كەن سامۇرىق» سياقتى ءىرى كومپانيالار ولاردىڭ نازارىنان تىس قالمادى. ونىڭ ءبىرىنشىسى ەلەكتر قۋاتىن ءوندىرۋ, جەتكىزۋ جانە جۇزەگە اسىرۋ بويىنشا تولىق تسيكلدى قامتىعان ەنەرگەتيكالىق حولدينگ بولىپ تابىلادى. قازاقستانداعى ەلەكتر قۋاتىنىڭ 30% جۋىعىن «سامۇرىق-ەنەرگو» وندىرەدى. ونىڭ جەكە كومىر رەسۋرس قورى ەلدەگى ەنەرگەتيكالىق كومىر ءوندىرىسىنىڭ 40% جۋىعىن قۇرايدى. «تاۋ-كەن سامۇرىق» كومپانياسى مىرىش, قورعاسىن, مىس, تەمىر رۋداسى جانە التىن سەكىلدى مەتالدار بويىنشا يگەرۋدىڭ ءارتۇرلى ساتىلارىنداعى جوبالاردى جۇزەگە اسىرادى.
سونىمەن قاتار «قازمۇنايگاز» جانە «قازاقستان تەمىر جولى» ۇلتتىق كومپانيالارى دا ينۆەستيتسيالىق تارتىمدى بولىپ تابىلادى.
ء«بىز وسى جوبالارعا ستراتەگيالىق سەرىكتەستەردى تارتۋ بويىنشا بەلسەندى جۇمىس جۇرگىزەمىز. ولار ءۇشىن مەملەكەت تاراپىنان, سالىقتىق جەڭىلدىكتى جانە ينفراقۇرىلىم سالۋدى قوسا العاندا, بارلىق جاعداي جاسالعان. بىزدە اگروحيميا كلاستەرى قۇرىلعان. وندا قازىر تمد نارىعىندا جوق گليفوسات جوباسى ىسكە اسىرىلىپ جاتىر. بۇل رەتتە رەسەي مەن قازاقستان اگراريلەرىنىڭ ورتاق قىزىعۋشىلىعى بار دەپ ويلايمىن جانە وسى جوبانى بىرلەسە جۇزەگە اسىرساق جاقسى بولار ەدى»,- دەپ قورىتىندىلادى ا.ەسىموۆ.
«سامۇرىق-قازىنا» اق-نىڭ پەتەربور حالىقارالىق ەكونوميكالىق فورۋمىنداعى ينۆەستور كۇنى اياسىندا شەتەلدىك ينۆەستورلارمەن بىرقاتار كەلىسىمگە قول قويىلدى. «بىرىككەن حيميالىق كومپانيا» جشس جانە ەڭ ءىرى گاز وڭدەۋ جانە مۇناي-حيميا كومپانياسى «سيبۋر حولدينگ» جاق (رەسەي) پوليپروپيلەن جوباسىندا (اتىراۋ وبلىسىندا ينتەگراتسيالانعان گاز-حيميا كەشەنىنىڭ قۇرىلىسى) ۇلەستى ساتىپ الۋعا كەلىستى, «قازاقستان تەمىر جولى» ۇق» اق مەن «رەملوكوموتيۆ» اق (رەسەي) «تۇلپار-تالگو» جشس-ءنىڭ جارعىلىق كاپيتالىنداعى كومپانيانىڭ قاتىسۋ ۇلەسى تۋرالى مەموراندۋمعا قول قويدى. سونداي-اق, «سامۇرىق-قازىنا» اق مەن «SAP» كومپانياسى (گەرمانيا) اراسىندا مەموراندۋمعا قول قويىلدى.
