كەزدەسۋ بارىسىندا ەكونوميكانىڭ ءتۇرلى سالالارىندا كاتار مەملەكەتىمەن ءوزارا ءتيىمدى قارىم-قاتىناستى دامىتۋ جانە تەرەڭدەتۋ ماسەلەلەرى تالقىلاندى. اتاپ ايتقاندا, KADEX-2018 قارۋ-جاراق جانە اسكەري-تەحنيكالىق م ۇلىك حالىقارالىق كورمەسى اياسىندا قورعانىس-ونەركاسىپ سالاسىنداعى ىنتىماقتاستىقتى كەڭەيتۋگە ارنالعان قۇرالدار قارالدى.
بيىل قازاقستان مەن كاتار اراسىنداعى ديپلوماتيالىق قارىم-قاتىناستىڭ ورناعانىنا 25 جىل تولدى. 2005–2017 جىلدار ارالىعىندا كاتاردان قازاقستانعا سالىنعان تىكەلەي ينۆەستيتسيالاردىڭ جالپى ءتۇسىمى $46,8 ملن قۇرادى. 2017 جىلى قازاقستانعا سالىنعان تىكەلەي ينۆەستيتسيالاردىڭ ءتۇسىمى $2,7 ملن قۇرادى.
KADEX-2018 كورمەسىندە وتاندىق جانە شەتەلدىك وندىرۋشىلەردىڭ (الەمنىڭ 28 ەلىنەن 318 كومپانيا) 144 دانا قارۋ-جاراق جانە اسكەري تەحنيكالارى, ولاردىڭ ىشىندە اۆياتسيالىق تەحنيكا — 20 بىرلىك (6 تىكۇشاق, 10 ۇشاق, 2 پۇا), 124 — قۇرلىق تەحنيكاسى ۇسىنىلدى. كورمەنى 48 ەلدىڭ رەسمي دەلەگاتسيالارى ارالايدى.
