دوڭگەلەك ۇستەل جۇمىسىن فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى, ساياساتتانۋ عىلىمدارىنىڭ دوكتورى, پروفەسسور اقان بيجانوۆ ءوزىنىڭ العى سوزىمەن اشتى. ەڭ ءبىرىنشى كەزەكتە مەرەيتوي يەسىن قۇتتىقتاعان ول ەلەنا بۋروۆا حانىمنىڭ وسى سالانىڭ دامۋىنا وراسان زور سىڭىرگەنىن ايرىقشا اتاپ ءوتىپ, الداعى ۋاقىتتا دا تابىس تىلەدى. جانە دە ينستيتۋت ديرەكتورى قر ءبىلىم جانە عىلىم ءمينيسترى ەرلان ساعاديەۆتىڭ اتىنان بەلگىلى عالىمعا قۇرمەت گراموتاسىن تابىس ەتتى.
دوڭگەلەك ۇستەلدە قازىرگى قازاقستانداعى ءدىن مەن زايىرلىلىقتىڭ فيلوسوفيالىق, مادەنيەتتانۋلىق جانە دىنتانۋلىق ماسەلەلەرى, ءدىن مەن مەملەكەت ارا قاتىناسىنىڭ قازاقستاندىق ۇلگىسى, قازاقستان قوعامىنىڭ دىندارلىق دەڭگەيى تالقىلاندى. سونىمەن قاتار زايىرلىلىق پرينتسيپتەرىنە نەگىزدەلگەن قوعامدىق سانانى قالىپتاستىرۋدىڭ سان قىرلى جولدارى قاراستىرىلدى.
القالى جيىنعا فيلوسوفيا, ساياساتتانۋ جانە ءدىنتانۋ ينستيتۋتى, ەلىمىزدىڭ جوعارعى وقۋ ورىندارىنان كەلگەن جەتەكشى ماماندار, عىلىمي-زەرتتەۋ ۇيىمدارىنىڭ وكىلدەرى, PhD دوكتورانتتار, ماگيسترانتتار مەن وزگە دە ماماندار قاتىسىپ, بايانداما جاسايدى.
بولاشاقتا ءدىنتانۋشى, يسلامتانۋشى, تەولوگ ماماندار مەن مەملەكەتتىك ورگان سالاسىنداعى عىلىمي جانە تاجىريبەلىك قىزمەتتەگى عالىمداردىڭ كادەسىنە جاراتۋ ءۇشىن دوڭگەلەك ۇستەل ماتەريالدارىن جيناق ەتىپ باسىپ شىعارۋ جوسپارلانۋدا.
عالىم سۇلەيمەن,
«ەگەمەن قازاقستان»
الماتى
