وبلىستىق تىلدەردى دامىتۋ باسقارماسى ۇيىمداستىرعان «لاتىنعا كوشۋ – بولاشاققا باستار باعىت» اتتى عىلىمي-پراكتيكالىق كونفەرەنتسياعا ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور, لاتىن ءالىپبيىن جاساۋ توبىنىڭ جەتەكشىسى ەردەن قاجىبەك, وسى ينستيتۋتتىڭ باس عىلىمي قىزمەتكەرى ءالىمحان جۇنىسبەكوۆ, قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ توراعاسى قۋات بوراشەۆ جانە جەرگىلىكتى مەملەكەتتىك ورگاندار مەن قوعامدىق ۇيىمدار, ءبىلىم سالاسىنىڭ جانە زيالى قاۋىم وكىلدەرى قاتىستى.
پلەنارلىق ماجىلىستە ەردەن زادا ۇلى قازاق ءتىلىن لاتىن الىپبيىنە كوشىرۋدى ۋاقىت تالاپ ەتىپ وتىرعانىن, بۇل ءحارىپتى جەر ءجۇزى ەلدەرىنىڭ باسىم كوپشىلىگى پايدالاناتىنىن ايتتى.
«ۋاقىت اسا جىلدامدىقپەن وزگەرىپ كەلە جاتىر. ەندى جيىرما جىلدا ءتىپتى ادام تانىماستاي وزگەرىستەر ورىن الادى. قازىردىڭ وزىندە ءار ادامنىڭ قولىندا ۇيالى تەلەفون, پلانشەت, قىسقاسى ءبىر-ءبىر كومپيۋتەر ءجۇر دەۋگە بولادى. ولاردىڭ بارلىعى دا لاتىن حارپىمەن جازىلعان. بيزنەس تە, عىلىم دا لاتىن حارپىمەن جازىلاتىن اعىلشىن تىلىندە دامىپ بارادى. سوندىقتان الەمدەگى وسى ۇدەرىستىڭ سىرتىندا قالىپ قويماۋىمىز قاجەت. ەكىنشىدەن, ءبىز لاتىن الىپبيىنە قازاق ءتىلىن ەمەس, قازاقستان رەسپۋبليكاسىنىڭ مەملەكەتتىك ءتىلىن كوشىرگەلى وتىرمىز. سوندىقتان بۇل ءالىپبيدى تەك قازاقتار عانا ەمەس, قازاقستاندىقتار ۇيرەنۋى ءتيىس» دەدى ەردەن زادا ۇلى.
ماجىلىستە تىلدەردى دامىتۋ باسقارماسىنىڭ باسشىسى گۇلجان مەڭدەكەنوۆا جەرگىلىكتى جەردە جۇزەگە اسىپ جاتقان ىستەرگە توقتالىپ ءوتتى. ء«بىر جىلدىڭ ىشىندە اقپاراتتىق-ءتۇسىندىرۋ جۇمىس توبىنىڭ مۇشەلەرى ەلىمىزدە جۇرگىزىلىپ جاتقان ءتىل ساياساتىنىڭ, لاتىن گرافيكاسىنا كوشۋ يدەياسىن كەڭىنەن كوپشىلىككە جەتكىزۋ ماقساتىندا ارنايى ۇيىمداستىرىلعان كەزدەسۋلەرگە قاتىستى. وتكەن كەزەڭدە 3 801 كەزدەسۋ وتكىزىلىپ, 250 مىڭنان استام ادام (28%) اقپاراتتىق ءتۇسىندىرۋ جۇمىستارىمەن قامتىلدى» دەدى گۇلجان ەرماشقىزى. كونفەرەنتسيا ءۇش باعىتتا سەكتسيالىق جۇمىس جۇرگىزدى. وندا لاتىن ءالىپبيىنىڭ ەنگىزۋدەگى شەت ەل تاجىريبەسى, ەلىمىزدەگى ءتىل رەفورماسىن ىلگەرىلەتىدەگى مەملەكەتتىك ۇيىمدار مەن ازاماتتىق قوعام ينستيتۋتىنىڭ ءوزارا ىنتىماعى, جاڭا قازاق ءالىپبيىن ۆيزۋالدى اقپارات ارقىلى ىلگەرىلەتۋ سياقتى ماسەلەلەر تەرەڭ تالداندى.
كونفەرەنتسيا قورىتىندىسىندا وعان قاتىسۋشىلار مەملەكەتتىك ورگاندارعا, ۇكەتتىك ەمەس ۇيىمدارعا, وقۋ ورىندارىنا ۇسىنىمدار قابىلدادى.
ءنازيرا جارىمبەت,
«ەگەمەن قازاقستان»
قوستاناي
