«دارىن» مەملەكەتتىك جاستار سىيلىعى (بۇدان ءارى – سىيلىق) جەمiستi عىلىمي, شىعارماشىلىق, قوعامدىق قىزمەتى, سونداي-اق جوعارى سپورتتىق جەتىستىكتەرى ءۇشىن دارىندى جاستاردى مەملەكەتتىك قولداۋ ماقساتىندا جىل سايىن 10 نوميناتسيا بويىنشا بەرىلەدى: ەسترادا, كلاسسيكالىق مۋزىكا, حالىق شىعارماشىلىعى, ادەبيەت, تەاتر جانە كينو, جۋرناليستيكا جانە قوعامدىق قىزمەت, سپورت, ديزاين جانە بەينەلەۋ ونەرى, عىلىم.
حالىقارالىق جانە رەسپۋبليكالىق كونكۋرستاردىڭ, فەستيۆالدار مەن كورمەلەردىڭ لاۋرەاتتارى, رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى بولىپ تابىلاتىن, سونداي-اق قىزمەتى يننوۆاتسيالىق بولىپ تابىلاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتكەن قازاقستان رەسپۋبليكاسىنىڭ 29 جاسقا دەيىنگى ازاماتتارى سىيلىق الۋعا ۇمىتكەر بولادى.
سىيلىق ءبىر ۋاقىتتا ءار نوميناتسيا بويىنشا ەكىدەن ارتىق ەمەس ىزدەنۋشىگە بەرىلۋى مۇمكىن, بۇل جاعدايدا ونىڭ اقشالاي بولىگى ولاردىڭ اراسىندا تەڭ بولىنەدى. سىيلىقتى قايتا بەرۋگە جول بەرىلمەيدى. بiر كانديداتۋرانى بiر نوميناتسيادان ارتىق سىيلىق الۋعا ۇسىنۋعا بولمايدى.
سىيلىق اۆتورلار ۇجىمىنا بەرiلسە, ونىڭ اقشالاي بولiگi ولاردىڭ مۇشەلەرى اراسىندا تەڭ بولiنەدi.
سىيلىق الۋعا كانديداتۋرالار ۇسىنۋدى ورتالىق, جەرگiلiكتi جانە وزگە دە مەملەكەتتiك ورگاندار, قوعامدىق بiرلەستiكتەر مەن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلگەن وزگە دە زاڭدى تۇلعالار جۇرگiزەدi.
ورتالىق, جەرگiلiكتi جانە وزگە دە مەملەكەتتىك ورگاندار, قوعامدىق بiرلەستiكتەر جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلگەن وزگە دە زاڭدى تۇلعالار ۋاكiلەتتi ورگانعا مىناداي قۇجاتتاردى قاعاز جانە ەلەكتروندىق تۇردە جىبەرەدى:
1) كانديداتتىڭ جەكە كۋالىگىنىڭ كوشىرمەسى;
2) قوسىمشاعا سايكەس نىسان بويىنشا تىركەۋ ءوتىنىمى;
3) قولداۋحات جانە سىيلىق الۋعا ىزدەنۋشىنىڭ جەتىستىكتەرى تۋرالى انىقتاما;
4) ماراپاتتاۋ ديپلومدارىنىڭ, گراموتالارىنىڭ, العىس حاتتارىنىڭ كوشىرمەسى (بولعان جاعدايدا);
5) كانديداتتىڭ نەمەسە كانديدات تۋرالى ماقالانىڭ, جاريالانىمداردىڭ كوشىرمەسى (بولعان جاعدايدا);
6) كانديداتتىڭ جەتىستىكتەرىن راستايتىن وزگە دە ماتەريالدار (بولعان جاعدايدا).
كوميسسيانىڭ سپەكتاكلدەردى, كينو جانە تەلەفيلمدەردى, كورمەلەردى قاراۋىن, كونتسەرتتىك باعدارلامالار, سونداي-اق مۋزىكالىق جانە ادەبي شىعارمالاردى تىڭداۋىن, ىزدەنۋشىنىڭ قىزمەتىمەن تانىسۋىن ۇيىمداستىرۋ ۇسىنۋشى ۇيىمدارعا جۇكتەلەدى.
سىيلىق بەرۋ تۋرالى شەشىم قازاقستان رەسپۋبليكاسىنىڭ ۇكىمەتى ونى قابىلداعان كەزدەن باستاپ كۇشىنە ەنەدى. قازاقستان رەسپۋبليكاسى ۇكiمەتiنiڭ سىيلىق بەرۋ تۋرالى قاۋلىسى بۇقارالىق اقپارات قۇرالدارىندا قازاقستان رەسپۋبليكاسىنىڭ تاۋەلسىزدىك كۇنىنە وراي جاريالانادى.
سىيلىق العان ادامدارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى, ديپلوم, توسبەلگى جانە اقشالاي سىيلىق تابىس ەتiلەدi.
سىيلىقتار سالتاناتتى جاعدايدا بەرىلەدى, ماراپاتتاۋ ءراسiمi قازاقستان رەسپۋبليكاسىنىڭ تاۋەلسiزدiك كۇنiنە ورايلاستىرىلادى.
ىزدەنۋشىلەردىڭ جوعارىدا اتالعان قۇجاتتارىن 2018 جىلعى 1 تامىزعا دەيىن قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتى كەلەسى مەكەنجاي بويىنشا قابىلدايدى:
استانا قالاسى, مانگىلىك ەل كوشەسى, 8, مينيسترلىكتەر ءۇيى (15-كىرەبەرىس), 8/7172/74-13-85, 8/7172/74-18-43, 87019981988, zh.zhunusova@diakom.gov.kz.
