«جەكە مالىمەتتەردىڭ قاۋىپسىزدىگىن قامتاماسىز ەتۋ ءۇشىن ءبىز ازاماتتار ءوزى تۋرالى جەكە اقپاراتتى تولىقتاي باقىلاي الاتىن جوبا جاسادىق.باسقاشا ايتقاندا, ءتىپتى حقو قىزمەتكەرى دە جەكە مالىمەتتەردى كورە المايدى, وپەراتورلار قانداي ءبىر جەكە مالىمەتتەرگە قول جەتكىزۋ ءۇشىن ازاماتتاردىڭ سمس رۇقساتىن الۋى ءتيىس», - دەپ ءتۇسىندىردى وسپانوۆ.
بۇل جوبا ەكى كەزەڭ بويىنشا جۇزەگە اسىرىلادى. وسى اپتانىڭ سوڭىنا دەيىن العاشقى كەزەڭدە ەلەكتروندىق ۇكىمەت پورتالىنداعى جەكە كابينەتىندە مالىمەتتەرگە قولجەتىمدىلىككە تىيىم سالۋ فۋنكتسياسى ىسكە قوسىلادى. ءاربىر پورتال قولدانۋشىلارى وسى فۋنكتسيا ارقىلى ءوزىنىڭ جەكە مالىمەتتەرىنە قولجەتىمدىلىكتى قوسا الادى جانە جاۋىپ تاستاي الادى. بۇل ورايدا تىيىم سالۋ فۋنكيتسياسىن تەك جەكە كابينەت ارقىلى عانا جاساۋعا بولادى.
ەكىنشى كەزەڭ – جەكە مالىمەتتەرگە قولجەتىمدىلىكتى جابۋ فۋنكتسياسىن ءوشىرۋ ءۇشىن سمس سەرۆيستى ىسكە قوسۋ. ياعني ەگەر قولجەتىمدىلىك بۇعاتتالعان بولسا, ازاماتتىڭ جسن-نىڭ جۇيەگە ەنگىزگەن كەزدە حقو وپەراتورى قولجەتىمدىلىكتى اشۋ تۋرالى سمس-حابارلاما الادى. كورسەتىلەتىن قىزمەتتى الۋشىدان سمس-رۇقساتىن العان جاعدايدا عانا فرونت-وفيس جۇمىسكەرى قانداي دا ءبىر مەملەكەتتىك قىزمەتتى كورسەتە الادى.
ايتا كەتۋ كەرەك, بۇل سەرۆيستى قولدانۋ ءۇشىن قىزمەت الۋشى ءموبيلدى ازاماتتار بازاسىنا تىركەلۋى ءتيىس. مۇنى ەلەكتروندىق ۇكىمەت پورتالىنداعى جەكە كابينەتتە نەمەسە كەز كەلگەن حقو-دا جاساۋعا بولادى.
