جيىندا جۋرناليستەردىڭ ساۋالىنا جاۋاپ بەرگەن اكتريسا سامال ەسلياموۆا الدىمەن ءوزىنىڭ ءومىر جولى تۋرالى اڭگىمەلەپ بەردى.«سولتۇستىك قازاقستان وبلىسىنداعى قازىرگى اققايىڭ اۋدانى ارالاعاش اۋىلىندا دۇنيەگە كەلدىم. ەشقاشان اكتريسا بولامىن دەپ ويلاعان جوقپىن. بۇيرىق بولار, پەتروپاۆلداعى ونەر كوللەدجىنە تۇسكەننەن كەيىن ناعىز قىزىق باستالدى. ءار رولدەگى ادام تاعدىرى وزدىگىنەن ءيىرىپ اكەتەدى. ارى قاراي وسى سالادا بيىكتەردەن كورىنگىم كەلەدى», دەيدى اكتريسا سامال ەسلياموۆا. سونداي-اق ول ءوزىنىڭ الەۋمەتتىك جەلىلەردە بەلسەندى ەمەس ەكەنىن دە تۇسىندىرە كەتتى, «ال الەۋمەتتىك جەلى دەگەندى ۇناتىپ كورمەپپىن. سەبەبى جاقىندارىممەن, دوستارىممەن شىنايى ومىردە جۇزدەسىپ سويلەسكەندى جاقسى كورەمىن».
سامالدىڭ ايتۋىنشا, فەستيۆالدەن سوڭ كوپتەگەن ۇسىنىستار كەلىپ تۇسكەن. «قازىرگە دەيىن سەرگەي دۆورتسەۆويدىڭ رەجيسسەرلىگىمەن تۇسىرىلگەن «قىزعالداق» جانە «ايكا» فيلمىندە وينادىم. «ايكا» ءفيلمىنىڭ ءتۇسىرىلىم جۇمىستارى كەزىندە دات رەجيسسەرى توماس ۆينتەرۆەرگتىڭ كارتيناسىنا تۇسۋگە شاقىرتۋ الدىم. ءوز كارتيناسىن شىنايى جاساي الاتىن تالعامپاز رەجيسسەرلارمەن جۇمىس ىستەگەن بولار ەدىم», دەيدى سامال ەسلياموۆا.
ايا ءومىرتاي,
سۋرەتتى تۇسىرگەن ەرلان وماروۆ,
«ەگەمەن قازاقستان»
