كوميتەت توراعاسى جەڭىس نۇرعاليەۆ وتىرىستى اشا كەلىپ, مەملەكەت باسشىسىنىڭ 10 قاڭتارداعى جولداۋىندا: «اگرارلىق ساياسات ەڭبەك ونىمدىلىگىن تۇبەگەيلى ارتتىرۋعا جانە وڭدەلگەن ءونىمنىڭ ەكسپورتىن ۇلعايتۋعا باعىتتالۋى كەرەك. شيكىزاتتى قايتا وڭدەۋدى قامتاماسىز ەتىپ, الەمدىك نارىقتارعا جوعارى ساپالى دايىن ونىممەن شىعۋىمىز قاجەت. سونىمەن قاتار جەردى بارىنشا ءتيىمدى يگەرەتىندەردى ىنتالاندىرىپ, ال دۇرىس پايدالانا المايتىندارعا شارا قولدانۋ كەرەك. ءتيىمسىز سۋبسيديالاردى اۋىل شارۋاشىلىعى كەشەنى سۋبەكتىلەرىنە ارنالعان بانك نەسيەلەرىن ارزانداتۋعا قايتا باعىتتاۋ قاجەت. 5 جىل ىشىندە اگروونەركاسىپ كەشەنىندەگى ەڭبەك ونىمدىلىگىن جانە وڭدەلگەن اۋىل شارۋاشىلىعى ءونىمىنىڭ ەكسپورتىن, تيىسىنشە, كەم دەگەندە 2,5 ەسەگە ارتتىرۋدى تاپسىرامىن», - دەگەن تاپسىرماسىن ەسكە سالدى.
ج. نۇرعاليەۆ ءوز سوزىندە جامبىل وبلىسى سۋارمالى جەرلەردىڭ كولەمى بويىنشا ەلىمىزدە الدىڭعى قاتاردىڭ بىرىندە ەكەنىن اتاپ ءوتتى. سونىمەن بىرگە بۇل سالادا بىرقاتار وزەكتى ماسەلەلەر دە بار ەكەنى ايتىلدى. اتاپ ايتقاندا, اۋىل شارۋاشىلىعى مينيسترلىگىندەگى سۋ رەسۋرستارى جونىندەگى كوميتەتىنىڭ مالىمەتتەرى بويىنشا, ايماقتاعى 229,7 مىڭ گەكتار سۋارمالى جەرلەردىڭ 86 مىڭ گەكتارى ءوز ماقساتىندا پايدالانىلمايدى. ج. نۇرعاليەۆ اتاپ وتكەندەي, كوپتەگەن شارۋاشىلىقتاردا سۋلاندىرۋ-درەناج جۇيەلەرى مەن شارۋاشىلىق ارالىق سۋ قۇبىرلارىنىڭ توزىعى جەتكەن. دەپۋتاتتىڭ پىكىرىنشە, بۇل نىساندارعا پاسپورتتاۋ راسىمدەرىن جۇرگىزىپ, ءتيىستى دەڭگەيدە پايدالانۋعا بەرۋ كەرەك.
ج. نۇرعاليەۆ سونىمەن قاتار جايىلىمدىق جەرلەر تۋرالى زاڭناماعا تۇزەتۋلەر ەنگىزۋگە بايلانىستى ماسەلەلەرگە توقتالدى. ونىڭ پىكىرىنشە, بۇل باعىتتاعى زاڭنامالىق بازانى جەتىلدىرۋ جۇمىستارىن جالعاستىرا بەرۋ كەرەك.
وبلىس اكىمىنىڭ ورىنباسارى مادەن مۋساەۆ 2017-2021 جىلدارعا ارنالعان اۋىل شارۋاشىلىعى كەشەنىن دامىتۋعا ارنالعان مەملەكەتتىك باعدارلامانى ايماقتا ىسكە اسىرۋ بارىسى تۋرالى دەپۋتاتتارعا باياندادى.
تالقىلاۋعا بىرقاتار مەملەكەتتىك ورگانداردىڭ, شارۋا قوجالىقتارى مەن اۋىل شارۋاشىلىعى كووپەراتيۆتەرىنىڭ باسشىلارى قاتىستى.
سەناتورلار سول كۇنى جامبىل وبلىسىنىڭ اكىمى اسقار مىرزاحمەتوۆپەن كەزدەسۋ بارىسىندا ايماقتىڭ الەۋمەتتىك-ەكونوميكالىق دامۋىنىڭ كەلەشەگىن تالقىلادى.
دەپۋتاتتار ساپار اياسىندا م.ح. دۋلاتي اتىنداعى تاراز مەملەكەتتىك ۋنيۆەرسيتەتىندە, «قازفوسفات» مەكەمەسى مەن جامبىل اۋدانىنداعى «شىعىس باقشالارى» جاۋاپكەرشىلىگى شەكتەۋلى سەرىستەستىگىندە, ت. رىسقۇلوۆ اتىنداعى اۋدانداعى «مانات» جانە «شاۋشەن» شارۋا قوجالىقتارىندا بولدى.
دەپۋتاتتار جۋالى اۋدانىندا بولعان كەزدە «گامبۋرگ» جانە «BURNOYE SOLAR-1» سەرىكتەستىكتەرىنە بارىپ, «قازاق حاندىعى» ەسكەرتكىشى مەن ايشا-ءبيبى ماۆزولەيىندە بولدى.
23 مامىردا دەپۋتاتتار «كونە تاراز» تاريحي-مادەني ورتالىعىن كورۋدى جانە قاراحان بابا مەن تەكتۇرماس ەسكەرتكىشتەرىنە بارۋدى جوسپارلادى.
