سپورتتىق شارانىڭ اشۋلى سالتاناتىندا سويلەگەن سوزىندە وبلىس اكىمىنىڭ ءبىرىنشى ورىنباسارى ايداربەك ساپاروۆ جينالعان قاۋىمدى ءدۇبىرلى سايىستىڭ باستالۋىمەن قۇتتىقتاپ, سپورتتى سەرىك ەتۋگە, سالاماتتى ءومىر سۇرۋگە شاقىردى. ۇلتتىق سپورت تۇرلەرى بويىنشا «تۇلپار», «قىزىلجار ارلاندارى» سپورت كلۋبتارىنىڭ جۇمىس ىستەيتىنىن اتاپ ءوتتى.
جۇرتشىلىق قىسقا قاشىقتىقتاعى مايدا جورعا, قۇنان, ۇشقىر, توپ جانە الامان بايگەلەردى قىزىعا تاماشالادى. قۇنان بايگەدە قىزىلجار اۋدانىنىڭ «اداتە» ەسىمدى جۇيرىگى سورەگە ءبىرىنشى بولىپ كەلدى. جورعا جارىستا دا قىزىلجارلىقتاردىڭ مەرەيى ۇستەم بولدى.
جارىستىڭ كورىگىن الامان بايگە قىزدىردى. ع. مۇسىرەپوۆ اۋدانىنىڭ نامىسىن قورعاعان مانسۇر جاستەلەنوۆ «ۆاسيلەك» تۇلپارىمەن الدىنا قارا سالمادى.
ءومىر ەسقالي,
«ەگەمەن قازاقستان»
