ءبىز ءۇشىن اتالعان بەس مەگاترەندتىڭ قازاقستاندا قالاي داميتىنى باستى ماسەلە, دەدى «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ.
«ماسەلەن, مەگاترەندتەردىڭ ءبىرى — جاھاندىق ەڭبەك نارىعىن الايىق, ول جۇمىس كۇشى وتە ءموبيلدى دەپ قاراستىرادى. بۇگىندە ءبىز ءارتۇرلى ەلدەردە, كورپوراتسيالار مەن ءىرى كومپانيالاردىڭ اراسىندا تالانتتار ءۇشىن, بىلىكتى جۇمىس كۇشى ءۇشىن وتە قاتال باسەكەلەستىك بار ەكەنىن بايقايمىز.
مىسالى, بۇكىل الەمنىڭ ەڭ ۇزدىك باعدارلاماشىلارىن, اT-سالاسىنىڭ ەڭ شىعارماشىل ادامدارىن وزىنە تارتاتىن كرەمني القابىنىڭ فەنومەنىن كورىپ وتىرمىز. وزىق دامىعان ەلدەردىڭ ءوزى قانداي ساياسات جۇرگىزۋگە تىرىسسا دا, ولارعا كرەمني القابىمەن باسەكەلەسۋگە تۋرا كەلەدى», — دەپ ءتۇسىندىردى ر. وشاقباەۆ.
تيىسىنشە, قازاقستاندا دا اقىلدىلاردىڭ جىلىستاۋى ماسەلەسى ورىن الۋدا. ءبىزدىڭ مىقتى دايارلانعان, بىلىكتى ماماندارىمىز وزگە ەلدەردەن اسا ءتيىمتى ۇسىنىستار الۋى مۇمكىن.
«سول سەبەپتى دە بىلىكتى مامانداردىڭ ەلىمىزدە قالىپ, مانساپقا جەتىپ, قازاقستاننىڭ دامۋىنا ۇلەس قوسۋى ءۇشىن ولاردى قالاي قىزىقتىرۋعا بولاتىنى تۋرالى سۇراق تۋىندايدى. تالانتتاردى قالاي ءوسىرۋ كەرەك, ولاردى ەلدە قالاي ۇستاپ قالۋ قاجەت, ولاردى قالاي تارتۋعا بولادى؟ بۇل – ەلباسى نازار اۋدارتىپ وتىرعان وزەكتى ماسەلەلەر», — دەدى ساراپشى.
