شارا اياسىندا قازاقستان, رەسەي, ءازىربايجان جانە يران ەلدەرىنىڭ 53 قۇرعاق جۇك تاسيتىن كەمەسى قارالدى.
ونىڭ ناتيجەسىندە انىقتالعان اقاۋلاردى جويعانعا دەيىن 4 كەمەنىڭ, ياعني, يراننىڭ 3 كەمەسى مەن رەسەيدىڭ 1 كەمەسىنىڭ جۇمىسى توقتاتىلدى.
نەگىزگى اقاۋلار مەن تالاپتاردىڭ ورىندالماۋى:
ناۆيگاتسيالىق, ورتكە قارسى قۇرالداردىڭ, راديو قۇرالدارىنىڭ اقاۋلارى;
جۇك ءتريۋمى ەسىكتەرىنىڭ تىعىزدىعى/سۋ وتكىزبەۋشىلىكتىڭ بولماۋى;
كەمە ورنىقتىلىعىنا قويىلاتىن تالاپتاردىڭ ساقتالماۋى;
كەمە مەن جابدىقتار كونسترۋكتسياسى كورپۋسىنىڭ كورروزياسى;
كەمە جۋرنالدارىنىڭ حالىقارالىق كونۆەنتسيالار تالاپتارىنا ساي بولماۋى;
ەكيپاج ديپلومدارى مەن كۋالىكتەرىنىڭ لاۋازىمدارىنا ساي بولماۋى.
سونىمەن بىرگە, يراننىڭ 5 كەمەسىنە پورتتان كەتكەنگە دەيىن ەسكەرتۋلەردى جويۋعا نۇسقاۋ بەرىلدى. ەسكەرتۋلەر ەكيپاج قۇرامىنىڭ قۇزىرەتىنە قاتىستى بولدى.
اقتاۋ پورتى مەن باۋتينو تەڭىز اكىمشىلىگى وسى ەلدەردىڭ تەڭىز پورتى بيلىگىنە حالىقارالىق كەمە ءجۇزۋ قاۋىپسىزدىگىنە قويىلاتىن تالاپتارعا ساي كەلمەيتىن كەمەلەردى جىبەرمەۋ جونىندە شارالار قابىلداۋ تۋرالى حات جولدايدى.
