باستى مۇقتاجدىقتاردىڭ ءبىرى 9 ايدان بەرى ىستىق سۋدىڭ جوقتىعى. ونىڭ ۇستىنە پاتەرلەر سالقىن بولعاندىقتان, قىس بويى دىردەكتەپ شىعىپتى. جەرگىلىكتى بيلىك ورىندارىنا قانشا شاعىمدانعانمەن ناتيجە شىعاتىن ءتۇرى كورىنبەيدى. 2007 جىلى مەملەكەتتىك باعدارلاما شەڭبەرىندە سالىنعان كوپقاباتتى ۇيدە 38 پاتەر بار. نەگىزىنەن مۇمكىندىگى شەكتەۋلى جاندار تۇرادى.
«شىدامدىلىق تانىتىپ, سابىر ساقتاپ كەلگەنىمىزگە توعىز ايدىڭ ءجۇزى بولدى. سوعان قاراماستان تولەماقى الىپ وتىر», دەيدى اشۋلى تۇرعىندار.
وسى ۇيدە 11 جىلدان بەرى تۇرىپ كەلە جاتقان گالينا زادورينانىڭ ارىزدانباعان جەرى قالماعان سەكىلدى. ابدەن تابانىنان تاۋسىلىپتى. زەينەتكەرجدڭ ساقىلداعان سارى ايازدا سۋىق سۋعا شومىلامىن دەپ توسەك تارتىپ قالعان كەزدەرى دە بولىپتى. كۇن سۋىتسا پاتەرلەر ازىناپ كەتەتىندىكتەن ۇيدە سىرت كيىممەن ءجۇرۋ ءجيى كەزدەسەتىن كورىنەدى.
سۆەتلانا ۋديلوۆانىڭ ايتۋىنشا قىس مەزگىلىندە جۋىنۋ بولمەسىن مۇلدەم پايدالانباپتى. جىلىلىق تەمپەراتۋراسى 14 گرادۋستان كوتەرىلمەپتى.
پاتەر يەلەرى كووپەراتيۆىنىڭ باسشىلىعى مەن جىلۋ ەلەكتر ورتالىعى جاۋاپكەرشىلىكتى ءبىر-بىرىنە سىلتەۋمەن كەلەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
