ءى رەسپۋبليكالىق قادىر وقۋلارىن سىرىم اۋدانى اكىمدىگى, باتىس قازاقستان وبلىستىق ءبىلىم باسقارماسى جانە قادىر مىرزا ءالى اتىنداعى حالىقارالىق قور ۇيىمداستىرعان. اقىن وقۋلارىنا استانا جانە الماتى قالاسىنان, الماتى, اقتوبە, اتىراۋ, قىزىلوردا, قوستاناي, ماڭعىستاۋ, وڭتۇستىك قازاقستان, سولتۇستىك قازاقستان, باتىس قازاقستان وبلىستارى جانە اقىننىڭ جەرلەستەرى – سىرىم اۋدانىنىڭ وقۋشىلارى قاتىستى.
اقىن شىعارمالارىن جاتقا وقۋشىلار جارىسقان ء«سوزدىڭ ءبارى قۇدىرەتتى...» بايگەسىندە قادىردىڭ 355 ولەڭىن جاتقا بىلەتىن بەرەكە ورىنباسار باس جۇلدەگە يە بولدى. ول سىرىم اۋدانىنداعى سىرىم ورتا مەكتەپ-بالاباقشا كەشەنىندە وقيدى.
وسى سايىستا قىزىلوردا وبلىسى قارماقشى اۋدانىنان كەلگەن №80 مەكتەپ-گيمنازيا وقۋشىسى ارۋجان بەگىمباي – ءى ورىن, تۇركىستاندىق نۇرتاس وتەپبەرگەن مەن اقتوبەلىك ايتەكە ءتاجىباي – ءىى ورىن, سولتۇستىك قازاقستان وبلىسى ش.ءۋاليحانوۆ اۋدانى اقتۇيەساي ورتا مەكتەبىنىڭ وقۋشىسى كارينا اشكەنوۆا, باتىس قازاقستان وبلىسى قازتالوۆ اۋدانى ەسەتوۆ اتىنداعى مەكتەپ وقۋشىسى نۇرداۋلەت جانداۋوۆ, ماڭعىستاۋ وبلىسى ماڭعىستاۋ اۋدانى ە.ايشۋاق ۇلى اتىنداعى مەكتەپ وقۋشىسى ءازيزا تۇلەيباي – ءىىى ورىن يەگەرى اتاندى. ال قوستاناي وبلىسى رۋدنىي قالاسىنداعى №7 مەكتەپتىڭ وقۋشىسى شۇعىلا تەمىرحان باتىس قازاقستان وبلىسىنىڭ تىلدەردى دامىتۋ باسقارماسىنىڭ ارنايى سىيلىعىنا يە بولدى.
قادىر مىرزا ءالى ولەڭدەرىنە جازىلعان ءان بايقاۋىندا باس جۇلدەنى ماڭعىستاۋ وبلىسى, ماڭعىستاۋ اۋدانى, شەتپە گيمنازياسىنىڭ وقۋشىسى ءىنجۋ ساداقباەۆا جەڭىپ الدى. اتىراۋ وبلىسى يندەر اۋدانى ماحامبەت اتىنداعى مەكتەپ وقۋشىسى جانبولات ءامىرجان ۇلى ءى ورىنعا, استانالىق ديلناز بالتاباەۆا مەن الماتىلىق قۋانىش نۇرجان ءىى ورىنعا, ال وڭتۇستىك قازاقستان وبلىسى تۇلكىباس اۋدانى ا.ورازباەۆا اتىنداعى مەكتەپ وقۋشىسى دىنمۇحاممەد نىسان, الماتى وبلىسى اقسۋ اۋدانى قىزىلاعاش اۋىلىنداعى ءى.جانسۇگىروۆ مەكتەبىنىڭ وقۋشىسى دالەلحان سەتەرحان, باتىس قازاقستان وبلىسى سىرىم اۋدانى ق.مىرزاليەۆ اتىنداعى مەكتەپ وقۋشىسى ارۋنا زاكينا ءىىى ورىنعا لايىق دەپ تانىلدى.
قادىر اقىنعا ءوز ولەڭىن ارناعان بالعىن قالامگەرلەر بايقاۋىندا ج.دوسمۇحامەدوۆ اتىنداعى مەكتەپ-بالاباقشا كەشەنىنىڭ وقۋشىسى, سىرىمدىق اقبوتا شيرمەدين باس جۇلدەگەر اتاندى. ءى ورىندى وڭتۇستىك قازاقستان وبلىسى سوزاق اۋدانى ءا.مولداعۇلوۆا اتىنداعى مەكتەپ وقۋشىسى سەرىك شارىپبەك, ءىى ورىندى سولتۇستىك قازاقستان وبلىسى شال اقىن اۋدانى جاڭاجول مەكتەبىنىڭ وقۋشىسى داناگۇل ايۋپوۆا مەن اقتوبەلىك ايسۇلتان كوپبەرگەنوۆ, ال ءىىى ورىندى ورالدىق ءادىل احمەتوۆ, قىزىلوردالىق ادەمى نۇرقاسىم جانە ماڭعىستاۋلىق مادياسقار قانجار ۇلى ءبولىستى. اتىراۋ وبلىسى يساتاي اۋدانى ح.ناۋبەتوۆ اتىنداعى مەكتەپتىڭ وقۋشىسى ايدانا مۇساعالي سىرىم اۋدانى اكىمىنىڭ ارنايى جۇلدەسىنە يە بولدى.
جەڭىمپازدارعا ارنالعان جۇلدە-سىيلىقتاردى قادىر مىرزا ءالى اتىنداعى حالىقارالىق قوردىڭ ديرەكتورى, «قۇرمەت» وردەنىنىڭ يەگەرى, ءانشى-كومپوزيتور دونەدىل قاجىموۆ, باتىس قازاقستان وبلىستىق ءبىلىم باسقارماسىنىڭ باسشىسى شولپان قادىروۆا, سىرىم اۋدانىنىڭ اكىمى تولەگەن تورەعاليەۆتەر تابىس ەتتى.
دونەدىل قاجىموۆتىڭ ايتۋىنشا, قادىر وقۋلارى الماتى قالاسىنىڭ اۋەزوۆ اۋدانىندا, شىعىس قازاقستان وبلىسىنىڭ ءۇرجار اۋدانىندا دا وتەدى. جاقىندا عانا رەسپۋبليكالىق ونوماستيكالىق كوميسسيا ورال قالاسىنداعى №5 شاعىناۋدانعا قادىر مىرزا ءالىنىڭ ەسىمىن بەرۋ جونىندە شەشىم شىعاردى. مۇنىڭ ءبارى اقىننىڭ ەسىمى ەل ساناسىنان وشپەيتىنىن, شىعارمالارى ناسيحاتتالا بەرەتىنىن كورسەتەدى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان
سۋرەتتى تۇسىرگەن باۋىرجان شيرمەدين ۇلى
