"اسسامبلەيا قۇرىلعان كۇننەن باستاپ ەلىمىزدەگى مىزعىماس بىرلىكتىڭ ۇيىتقىسى, سارقىلماس بەرەكەنىڭ باستاۋى بولىپ كەلەدى. بۇگىنگى كۇنى ول ەلىمىزدىڭ تاتۋلىعى مەن تۇراقتىلىعىنىڭ ەڭ باستى كەپىلى. ءاردايىم ەلدىك ىستەردىڭ باسىندا جۇرەتىن اسسامبلەيا مەنىڭ ىرگەلى باستامالارىمدى ءار ۋاقىتتا قولداپ, حالىققا ءتۇسىندىرىپ جۇرەدى. قازاقستان سان-قىرلى جاڭعىرۋعا بەت بۇرعان قازىرگى تاڭدا اسسامبلەياعا دا تىڭ مىندەتتەر جۇكتەلەدى», - دەدى ەلباسى نۇرسۇلتان نازارباەۆ.
سەسسيا تاقىرىبىنىڭ الەۋمەتتىك جاڭعىرۋ جولىنداعى بەس الەۋمەتتىك باستامامەن ۇندەس ەكەنىن اتاعان مەملەكەت باسشىسى ەلدىڭ ءال-اۋقاتىن جاقسارتۋدا بىرلىك پەن تاتۋلىقتىڭ ماڭىزى ەرەكشە ەكەنىن ايتتى.
“بۇگىنگى سەسسيامىز «بەس الەۋمەتتىك باستاما - قوعامنىڭ الەۋمەتتىك بىرلىگىنىڭ تۇعىرى» دەپ اتالادى. مەن ناۋرىز ايىندا الەۋمەتتىك جاڭعىرۋ جولىنداعى پرەزيدەنتتىڭ بەس باستاماسىن ۇسىنعانىمدى وزدەرىڭىز بىلەسىزدەر. بەس باستاما ەلدىڭ ءال-اۋقاتىن جاقسارتۋمەن بىرگە ۇلتتى ۇيىستىرا ءتۇسۋدىڭ تاعى ءبىر قىرى - الەۋمەتتىك بىرلىكتى نىعايتۋعا باعىتتالعان. ونىڭ تابىستى جۇزەگە اسىرىلۋى ازاماتتاردىڭ ءوز بولاشاعىنا, مەملەكەتىنە, قوعامىنا, قالا بەردى ءبىر-بىرىنە دەگەن سەنىمىن ارتتىرادى. بىزدە حالىقتىڭ كۇندەلىكتى ومىرىنە تۇبەگەيلى وزگەرىس اكەلەتىن مۇنداي الەۋمەتتىك باعدارلاما بۇرىن بولعان ەمەس. وسىنىڭ بارلىعى تاۋەلسىزدىك جىلدارىندا قازاقستاندى ءتۇرلى پالە-جالادان ساقتاپ كەلە جاتقان ەلدىگىمىزدىڭ بويتۇمارى - ەل بىرلىگىن قاسيەت تۇتا بىلگەنىمىزدىڭ ارقاسى. ايتپەسە وزدەرىڭىز قازىر كورىپ ءبىلىپ وتىرسىزدار, دۇنيەجۇزىندە كوگىندە تۋى, تورىندە بيلىگى بولسا دا بىرلىگى قاشىپ, بۇگىنى بۇلدىر, بولاشاعى ب ۇلىڭعىر بولعان قانشاما مەملەكەت بار. ءبىز وسىنى بەرىك ۇستانىپ مىزعىماس ىنتىماق-بىرلىگىمىزدى تاۋسىلماس ىرىس-بەرەكەمىزدىڭ باستاۋى ەتىپ, سەنىممەن قادام باسىپ كەلەمىز. وسى جولدان تايماۋىمىز كەرەك. وسى بىرلىكپەن جۇرەتىن بولساق, بارلىق قيىندىقتاردى ەڭسەرەمىز. حالىقتىڭ ءال-اۋقاتىن جاقسارۋعا قىزمەت ىستەيمىز», - دەدى ەلباسى.
