قىزىلجار ءوڭىرىنىڭ جۇرتشىلىعى وزگەنىڭ ءومىرى ءۇشىن جانقيارلىقپەن كۇرەسىپ, رادياتسيانىڭ زاردابىنان قايتىس بولعان جەرلەستەرىمىزدى ەسكە الدى. ازالى كەزەڭنىڭ قارالى كۇنىن كوزگە ەلەستەتەتىن مەموريال الدىندا باس قوسىپ, بەيبىت ءومىر باتىرلارىنىڭ رۋحىنا تاعزىم ەتتى. گۇل شوقتارىن قويدى.
«رادياتسيانىڭ اسەرىنەن اپاتتىڭ ءبىرىنشى كۇنىندە 42 ادام اجال قۇشتى. 300 شاقىرىمدىق راديۋستاعى اۋماق 400 جىلعا دەيىن تىرشىلىككە جارامسىز بولىپ قالدى. قانشاما ادامنىڭ دەنساۋلىعىنا زاقىم كەلدى دەسەڭشى!.توتەنشە جاعدايدىڭ ورىن الۋىنا ستانتسيا قىزمەتكەرلەرىنىڭ نەمقۇرايلىلىعى سەبەپ بولعانى ەندى ايتىلىپ جاتىر», دەيدى «چەرنوبىل وداعى» وبلىستىق بىرلەستىگىنىڭ توراعاسى يۋري لوشكارەۆ.
اتالمىش اپاتتىڭ سالدارىن جويۋ ءۇشىن وڭىردەندەن 2000-عا جۋىق جەرلەسىمىز بارسا, بۇگىندە 340-قا جۋىعى عانا ءتىرى. سولاردىڭ ءبىرى ارعىن جۇمابەكوۆ چەرنوبىلدەگى جارىلىستىڭ زاردابىن ەڭسەرۋگە ەكى رەت قاتىسىپتى. ءبىرىنشى رەت ءبىرجارىم ايداي بولىپتى. ەكىنشى رەت ۇزاق كىدىرىپتى. 10 تاعدىرلاسىنان قازىر ۇشەۋى عانا بار. دەنساۋلىعى قاتتى سىر بەرىپ ءجۇر بەرىپ جۇرگەن كورىنەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
