قالالىق «جۇمىسپەن قامتۋ جانە الەۋمەتتىك باعدارلامالار» ءبولىمىنىڭ مالىمەتىنشە, تۇرمەدەن بوساتىلعان جانە پروباتسيالىق قىزمەت باقىلاۋىندا تۇراتىن 169 ادام جۇمىسقا ورنالاسۋ جانە ءبىر جولعى اقشالاي كومەك الۋ ءۇشىن ءوتىنىشى بىلدىرگەن. ونىڭ ىشىندە 117 ادام تۇراقتى جۇمىسقا, الەۋمەتتىك جۇمىسقا - 7, ۋاقىتشا قوعامدىق جۇمىسقا 12 ادام ورنالاستىرىلىپ, كاسىپكەرلىك وقۋعا 8 ادام جىبەرىلگەن. ءبولىم باس بوستاندىعىنان ايىرۋ ورىندارىنان بوساتىلعان, پروباتسيا قىزمەتىنىڭ ەسەبىندە تۇرعان ادامدارعا, جۇمىسپەن قامتۋ جانە الەۋمەتتىك كومەك كورسەتۋدىڭ بىرقاتار باعىتتارى بويىنشا كومەك كورسەتەدى. ولار تۇراقتى جۇمىس ورنىنا , قوعامدىق, الەۋمەتتىك جۇمىس ورىندارىنا ورنالاستىرۋ, كاسىپتىك وقىتۋ جانە الەۋمەتتىك وڭالتۋ ورىندارىنا جىبەرىلەدى. بەس ايلىق ەسەپتىك كورسەتكىش مولشەرىندە بىرجولعى ماتەريالدىق كومەك بەرىلەدى.
وبلىس ورتالىعىندا «باس بوستاندىعىنان ايىرۋ مەكەمەلەرىنەن شىققان» ءادامدار ۇشىن «قالالىق بەيىمدەلەۋ ورتالىعى» مەكەمەسى دە جۇمىس جاسايدى. وتكەن جىلى 116 ادام جۇمىسقا ورنالاستىرىلسا, تۇرمەدەن شىققان جانە پروباتسيالىق باقىلاۋدا تۇراتىن 86 ادامعا بەس اەك مولشەرىندە 975,6 مىڭ تەڭگە ءبىر جولعى اقشالاي كومەك كورسەتىلگەن. ورتالىقتا بوستاندىققا شىققان سوتتالۋشىلاردى جۇمىسقا ورنالاستىرۋ تۋرالى قالا كاسىپورىندارىمەن مەموراندۋم جاسالىندى. ەلىمىزدەگى بارلىق بوس جۇمىس ورىندارىنىڭ ءتىزىمىن كورسەتەتىن «بىرىڭعاي ەلەكتروندىق ەڭبەك بيرجاسى» دا جۇمىسىن باستادى.
فاريدا بىقاي,
«ەگەمەن قازاقستان»
پاۆلودار
