«مەملەكەتتىك قىزمەتتىڭ پەرسونالىن باسقارۋ ۇلتتىق ورتالىعى استاناداعى «ميللەنيۋم پارك» بيزنەس-ورتالىعىندا ەسىگىن ايقارا اشىپ, ءوز شەكاراسىن كەڭەيتە باستادى. ەندىگى ۋاقىتتا ورتالىق مەملەكەتتىك جانە قۇقىق قورعاۋ قىزمەتىنە ۇمىتكەرلەردى تەستىلەۋ تۇرعىسىندا تەحنيكالىق سيپاتتا قولداۋشى وپەراتور عانا ەمەس. ونىڭ جانىندا كەز كەلگەن نيەت ءبىلدىرۋشى ءوتىنىشىن ايتا الاتىن شاعىن حقو مەن ارنايى تالداۋ توبىنىڭ (اتت) قوعامدىق قابىلداۋى اشىلدى», - دەلىنگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز حابارلاماسىندا.
شاعىن حقو-نىڭ فۋنكتسياسىنا: مەملەكەتتىك قىزمەتتى كورسەتۋ, مەملەكەتتىك قىزمەتشىلەردىڭ ەتيكالىق نورمانى ساقتاۋ سالاسىندا ازاماتتاردىڭ ارىز-شاعىمىن قابىلداۋ جانە قاراستىرۋ, مەملەكەتتىك قىزمەت بويىنشا جانە مەملەكەتتىك قىزمەتتى كورسەتۋ تۇرعىسىنان كەڭەس بەرۋ ەنەدى. شاعىن حقو ۇزدىك الەمدىك تاجىريبە نەگىزىندە جۇمىس ىستەيدى: كەدەرگىسىز قىزمەتتى, كەزەك الۋ سەرۆيسىن, پسيحولوگتىڭ كومەگىن ۇسىنادى. 8 كۇننىڭ ىشىندە حقو جەتپىسكە تارتا مەملەكەتتىك قىزمەتتى كورسەتكەن. اتت قوعامدىق قابىلداۋى - سىبايلاس جەمقورلىققا قارسى كۇرەس ماسەلەلەرى بويىنشا ازاماتتاردى قابىلداۋعا ارنالعان الاڭ.
ازاماتتاردى اتت مۇشەلەرى - مەملەكەتتىك ورگانداردىڭ, قوعامدىق ۇيىمدار مەن باق وكىلدەرى قابىلدايتىن بولادى. اتت مۇشەلەرىنىڭ جۇمىسى مەن ازاماتتاردى قابىلداۋ بويىنشا بارلىق جاعداي جاسالعان: ماتەريالدىق-تەحنيكالىق جابدىقتاۋ قامتاماسىز ەتىلىپ, وتىرىستاردى, تۇساۋكەسەرلەر مەن وزگە دە شارالاردى وتكىزۋ ءۇشىن كونفەرەنتسزال اشىلعان.
