اتالعان مىندەتتى جۇزەگە اسىرۋ بارىسىندا ء ال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆ: ء«بىزدىڭ نەگىزگى ماقساتىمىز – وقۋ ورنىن الەمدىك دەڭگەيدەگى زەرتتەۋ ۋنيۆەرسيتەتىنە اينالدىرۋ. سوعان وراي جەتەكشى ماماندار دايارلانىپ قانا قويماي, عىلىم مەن يننوۆاتسيانى دامىتۋ ماسەلەسى دە قامتىلاتىن بولادى. جالپى, ۋنيۆەرسيتەتتەر يننوۆاتسيالىق ەكونوميكانىڭ درايۆەرى بولۋعا ءتيىس»,-دەدى ەلباسى قابىلداۋىندا. راسىمەن, سوڭعى جىلدارى «الەمنىڭ ەكىنشى ۇستازى» - ءال-فارابي بابامىزدىڭ ەسىمىن يەلەنگەن وقۋ ورنى: ەل ەكونوميكاسى, مادەنيەتى, ادەبيەتى, تەحنولوگياسى ءۇشىن جوعارى بىلىكتى مامانداردى دايارلاۋدى قامتاماسىز ەتەتىن عىلىمي-يننوۆاتسيالىق كەشەنگە اينالدى. ستاتيستيكالىق دەرەكتەردىڭ كورسەتۋى بويىنشا, ۋنيۆەرسيتەت سوڭعى ءۇش جىل ىشىندە ۇلكەن سەرپىلىس جاساپ, «QS» حالىقارالىق رەيتينگىندە 236 ورىننان كورىندى. «Great Value Colleges» حالىقارالىق رەيتينگى بولسا, ءال-فارابي اتىنداعى قازۇۋ-دى الەمدىك ۋنيۆەرسيتەتتەر اراسىندا 31-ورىننان, ال تەحنولوگيالىق جاعىنان دامىعان ەڭ وزىق 50 ۋنيۆەرسيتەتىڭ قاتارىنان كورىنۋگە لايىقتى دەپ تاۋىپتى.
وتانىمىزداعى جەتەكشى وقۋ ورنى, ساراپشىلاردىڭ پىكىرىنشە, جاڭا ءبىلىم, وزىق يدەيالار مەن تەحنولوگيانى بويىنا سىڭىرگەن, عىلىمي ءبىلىم بەرۋ جانە يننوۆاتسيالىق ورتالىقتاردا, قوعامدىق مەكەمەلەر مەن ءتۇرلى كومپانيالاردا ساۋاتتى ءارى ساپالى قىزمەت اتقارا الاتىن مامان دايارلاۋعا تولىققاندى قاۋقارلى. مەملەكەتتىك ينفراقۇرىلىمدى جۇزەگە اسىرۋدىڭ مەتودولوگيالىق نەگىزى «Al-Farabi university smart city» بىرەگەي عىلىمي-يننوۆاتسيالىق جوباسى جىل سايىن ۇلتتىق ۋنيۆەرسيتەتتە تانىستىرىلىپ, تۇيىندەلەتىنى سونىڭ ايعاعى.
ۇلتتىق ۋنيۆەرسيتەت جۇزەگە اسىرىپ جاتقان سان ءتۇرلى جوبالاردىڭ ناسيحاتتىق ءارى يميدجدىك بەلەڭ الۋىنا – وقۋ ورداسىنىڭ جۋرناليستيكا فاكۋلتەتى, «يۋنەسكو, حالىقارالىق جۋرناليستيكا جانە قوعامدىق مەديا» كافەدراسىنىڭ ستۋدەنتتىك ءباسپاسوز قىزمەتى, جوعارعى ءبىلىمدى پروفەسسورلار, وقىتۋشىلار قاتارىنان تۇراتىن بىلىكتى ۇجىمى بارىنشا قامتاماسىز ەتۋدە. اتالمىش كافەدرانىڭ تۇلەكتەرى قازىردە حالىقارالىق ستاندارتتاعى بىلىكتى جۋرناليستەرگە اينالىپ, كومەرتسيا, مەنەدجمەنت, ماركەتينگ, مادەنيەتارالىق كوممۋنيكاتسيا, اقپاراتتىق تەحنولوگيالار, ەكونوميكا, الەۋمەتتانۋ سالالارىندا قىزمەت ەتىپ, الەمدىك دەڭگەيدە ەلىمىزدىڭ اتىن تانىتىپ ءجۇر.
تاعى دا ايتا كەتەرلىگى, جيىرماسىنشى عاسىردىڭ اياعىندا قۇرىلعان الەم ۋنيۆەرسيتەتتەرى, جەتەكشى جوو-لارى مەن حالىقارالىق ۇيىمداردىڭ قاتارىندا قازاقستان اتى ابىرويمەن اتالىپ, زور بەدەلگە يە بولۋىنا وسى كافەدرا دايىنداعان پيار ماماندارى, سونىڭ ىشىندە اسىرەسە, پيار دەپارتامەنتى ءبولىمىنىڭ باسشىلىعى, پيار-ديرەكتورلار, جارناما اگەنتتىگىنىڭ پيار-مەنەدجەرلەرى, مەملەكەتتىك, قوعامدىق جانە كوممەرتسيالىق قۇرىلىمدارى ماماندارى ايانباي قىزمەت ەتىپ وتىر. جاقىندا عانا «يۋنەسكو, حالىقارالىق جۋرناليستيكا جانە قوعامدىق مەديا» كافەدراسىنىڭ ىقپالىمەن ءال-فارابي اتىنداعى قازاق ۇلتتىق ۋنيۆەرسيتەتىنە بۇۇ-نىڭ «اكادەميالىق ىقپال» جاھاندىق حابىنا جەتەكشىلىك ەتۋ مىندەتى سەنىپ تاپسىرىلدى, «UNAI Hubs-قا» جەتەكشىلىك ەتۋ مەرزىمى 2020 جىلعا دەيىن ۇزارتىلدى.
بىرىككەن ۇلتتار ۇيىمىنىنىڭ «جاھاندىق كوممۋنيكاتسيا» بويىنشا باس حاتشىسىنىڭ ورىنباسارى اليسون سمەيلدىڭ قولى قويىلعان سەرتيفيكات 12-ءساۋىر كۇنى بۇۇ-نىڭ «اكادەميالىق ىقپال» باعدارلاماسىنىڭ شتاب-پاتەرىنەن جولدانىپ, ۋنيۆەرسيتەت وقىتۋشىلارىنا ارنايى تابىستالدى. قازىرگى تاڭدا قازاقستاننىڭ 25 جوعارى وقۋ ورىندارى بۇۇ-نىڭ «اكادەميالىقىقپال» باعدارلاماسىنا قوسىلعان. قازۇۋ-دا وتكىزىلگەن ءباسپاسوز ءماسليحاتىنا ارنايى كەلگەن بۇۇ-نىڭ قازاقستانداعى «قوعامدىق اقپارات» دەپارتامەنتىنىڭ ديرەكتورى ۆلاستيميل سامەك جەتەكشىلىك ەتۋ مانداتىمەن وقۋ ورنىن قۇتتىقتاپ, سوڭعى 4 جىلدا ۋنيۆەرسيتەتتىڭ بۇل سالاداعى قىزمەتىن ابىرويلى اتقارعانىن اتاپ ءوتتى. ايتا كەتەرلىگى, قازاقستان 2017 جىلدان بەرى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولعاندىقتان, ەلىمىزدىڭ حالىقارالىق قاتىناستارداعى, جاھاندىق پروبلەمالاردى شەشۋدەگى باستى ساياسي الاڭعا اينالىپ وتىر. وسى ورايدا, ۆ.سامەك «UNAI Hubs» سالاسىنداعى ۋنيۆەرسيتەتتىڭ بەلسەندى قىزمەتى قازاقستاننىڭ حالىقارالىق ساياسي ارەناداعى يميدجىنە وڭ ىقپال ەتەتىندىگىن دە اتاپ ءوتۋدى ۇمىتپادى. قورىتا ايتقاندا, جاھاندىق ءبىلىم بەرۋ قاۋىمداستىعىنا مۇشە بولۋ مارتەبەسىنە تۇڭعىش يە بولعان ورتالىق ازياداعى ۋنيۆەرسيتەت ءوز ءيمميدجىن حالىقارالىق جۋرناليستيكا مەن قوعامدىق مەديا ماماندارى ارقىلى كەڭىنەن تانىتىپ, جەتەكشى رەيتينگتەرىندە اسقاق ابىرويمەن كورىنىپ كەلەدى.
داستان قاستاي, ستۋدەنت
