فوتو: uk.reuters.com
بۇدان سوڭ ەكى ەل باسشىسى سۋرەتكە ءتۇسىپ, سامميت باستالعالى جاتقان عيماراتقا بەت الدى.
«وڭتۇستىك كورەيا دەلەگاتسياسى بەيبىتشىلىك پەن قوس كورەي ەلىنىڭ ودان ءارى دامۋىن جاڭاشا باستاۋ ماقساتىندا كەلىسسوزدەر جۇرگىزۋگە كەلىپ وتىر», دەپ مالىمدەدى كيم چەن ىن. ءوز كەزەگىندە ءسوز العان مۋن چجە ين قارسى تاراپتى ناتيجەلى كەلىسسوزدەرگە شاقىرعان ول, «كورەي ۇلتى مەن وزگە ادامدارعا ۇلكەن سىي تارتۋ ەتكەن بولار ەدىك» دەپ اعىنان جارىلدى.
كيم چەن ىن وڭتۇستىك كورەيا جەرىنە 65 جىلدان كەيىن بارىپ وتىرعان سولتۇستىك كورەيانىڭ العاشقى باسشىسى. ەستەرىڭىزگە سالا كەتەيىك, 21 ءساۋىر كۇنى سولتۇستىك كورەيا كورەي تۇبەگىن يادرولىق قارۋدان ادا ەتۋ ماقساتىندا پحۋنگەريدەگى يادرولىق پوليگوندى جاباتىنىن مالىمدەگەن بولاتىن. سونىمەن بىرگە كەلەسى ايدا نەمەسە ماۋسىمنىڭ باسىندا وڭتۇستىك كورەيا مەن سولتۇستىك كورەيا باسشىلارى جانە اقش پرەزيدەنتى دونالد ترامپ قاتىساتىن سامميت وتپەك.
