«مەملەكەت باسشىسى نۇرسۇلتان نازارباەۆ قازاقستاندا ءتۋريزمدى دامىتۋعا ەرەكشە نازار اۋدارىپ كەلەدى. ءوزىنىڭ جىل سايىنعى جولداۋىندا ەلباسى ىشكى جانە سىرتتان كەلۋشىلەر ءۇشىن ء تۋريزمدى دامىتۋ وڭىرلەردە جۇمىس ورىندارىن اشۋ مەن ەكونوميكالىق دامۋدىڭ ىرگەتاسىن قالاۋدىڭ نەگىزگى كوزدەرىنىڭ ءبىرى بولىپ تابىلادى دەگەن بولاتىن», دەپ اتاپ ءوتتى ا.مامين.
الماتى جانە الماتى وبلىسى ءتۋريزمدى دامىتۋدىڭ نەگىزگى قوزعالتقىشتارى بولىپ تابىلادى. بۇل ايماق ارقىلى ەلىمىزدىڭ نەگىزگى كولىك باعىتتارى وتەدى, ال ءوڭىردىڭ گەوگرافيالىق, تاريحي جانە تابيعي ەرەكشەلىكتەرى ءتۋريزمدى دامىتۋدىڭ بەرىك ىرگەتاسى بولا الادى.
جينالىستا ءسوز سويلەگەن الماتى قالاسىنىڭ اكىمى ب.بايبەك ەلباسىنىڭ تاپسىرماسىنا سايكەس, الماتىدا ءتۋريزمدى ەكونوميكانىڭ جاڭا قوزعاۋشى كۇشى رەتىندە دامىتۋ ءۇشىن جۇيەلى جۇمىس جۇرگىزىلىپ جاتقاندىعىن جەتكىزدى. قالادا باسەكەگە قابىلەتتى تۋريستىك ءونىمدى قۇرۋ, تۇرعىندار مەن قالا قوناقتارىنا ىڭعايلى جانە قاۋىپسىز ورتانى قالىپتاستىرۋ ماقساتىندا ء«تۋريزمدى دامىتۋدىڭ 100 قادامى» قالالىق جوسپارى ازىرلەندى.
الماتى قالاسى ەكونوميكاسىنىڭ 87% -ى قىزمەت كورسەتۋ سەرۆيستەرى بولىپ كەلەدى جانە قازاقستانعا كەلگەن ءاربىر ەكىنشى شەتەلدىك تۋريست وڭتۇستىك استاناعا سوقپاي كەتپەيدى.
مادەنيەت جانە سپورت ءمينيسترى ا.مۇحامەدي ۇلىنىڭ ايتۋىنشا, 2018 جىلدىڭ سوڭىنا قاراي قىتاي مەن ءۇندىستان ازاماتتارى ءۇشىن الماتى مەن استانا قالالارى ارقىلى وتەتىن 72 ساعاتتىق ۆيزاسىز ترانزيت ىسكە قوسىلادى. سونداي-اق الماتى وبلىسىندا ءىرى ينۆەستيتسيالىق جوبالار: مەدەۋ, شىمبۇلاق, اقبۇلاق, تاباعان دەمالىس ايماقتارىندا تاۋ كلاستەرىن دامىتۋ, تاقىرىپتىق ساياباقتاردى, ونىڭ ىشىندە «قورعاس» حشمىو-دا سالۋ, ۇلكەن الماتى كانالى بويىندا تۋريستىك جانە سپورتتىق ايماق سالۋ قۇرىلىسى جۇزەگە اسىرىلادى.
الماتى وبلىسى اكىمىنىڭ ورىنباسارى ا. بايجانوۆتىڭ ايتۋىنشا, مەملەكەتتىك تاپسىرىسپەن وڭىردە جولدى كۇردەلى جوندەۋدەن وتكىزۋ ءساتتى جۇزەگە اسىرىلۋدا. بيىل ءۇشارال – دوستىق باعدارىنداعى جولعا كۇردەلى جوندەۋ باستالدى. ول ارقىلى تۋريستەر الاكولگە جايلى جولمەن جەتە الادى. بالقاش كولىنە اپاراتىن 140 شاقىرىم جول جوندەلدى. كولساي كولدەرىنە جەتكىزەتىن جولدار تولىقتاي جاڭعىرتىلعان.
كەڭەس بارىسىندا ا.مامين الماتى مەن الماتى وبلىسى اۋماعىندا ءتۋريزمنىڭ جول كارتاسىن جاساۋدىڭ بىرلەسكەن كەشەندى شارالارىن جۇزەگە اسىرۋ ساپالى جۇرگىزىلۋگە ءتيىس ەكەندىگىن باسا ايتتى. الماتى قالاسىنىڭ, الماتى وبلىسىنىڭ اكىمدىگىنە, سونداي-اق باسقا مۇددەلى مەملەكەتتىك ورگاندار مەن ۆەدومستۆولارعا بىرقاتار ناقتى تاپسىرمالار بەردى.
وڭىرگە ساپارى اياسىندا ءبىرىنشى ۆيتسە-پرەمەر وڭتۇستىك استانا اۋەجايىن, الماتى-1 جانە الماتى-2 تەمىر جول ستانسالارىن دامىتۋ جوسپارلارىمەن تانىسىپ, Visit Almaty تۋريستىك اقپاراتتىق ورتالىعىن ارالادى. سونداي-اق «قورعاس-شىعىس قاقپاسى» اەا-عا باردى.
«قورعاس-شىعىس قاقپاسى» اەا بك» اق باس ديرەكتورى م. بايمۇحامبەتوۆتىڭ ايتۋىنشا, جالپى قۇنى 485 ملرد تەڭگەنى قۇرايتىن 14 جوبا 2020 جىلعا دەيىن جۇزەگە اسىرىلماق.
