كەزدەسۋ بارىسىندا مەملەكەتتىك حاتشى قازىرگى كەزەڭدە قازاقستان مەن رەسەي قارىم-قاتىناسى ءوزارا سەنىم مەن تۇسىنىستىككە نەگىزدەلگەن تاتۋ كورشىلىكتىڭ جارقىن ۇلگىسى ەكەندىگىن اتاپ ءوتتى.
ء«وزىڭىز دە بىلەتىندەي, وتكەن جىلى ديپلوماتيالىق قارىم-قاتىناسىمىزدىڭ 25 جىلدىعىن اتاپ وتتىك. بىرقاتار شارا ۇيىمداستىرىلدى. ەلدەرىمىز اراسىندا تىعىز ءوزارا قارىم-قاتىناس ورناعان. مەملەكەت باسشىلارىمىز دا تىعىز بايلانىستا. مامىر ايىندا مەملەكەت باسشىلارىنىڭ كەزدەسۋى بولادى دەپ كۇتىلۋدە. مۇنان بولەك تە بىرقاتار تەلەفون ارقىلى اڭگىمەلەسۋلەر بولىپ, وندا ماڭىزدى ماسەلەلەر تالقىلاندى», - دەپ اتاپ ءوتتى گۇلشارا ابدىقالىقوۆا.
سونىمەن قاتار ول ەلدەرىمىزدىڭ اراسىندا قارقىندى ساياسي ديالوگ ءوربىپ, تىعىز ەكونوميكالىق بايلانىس ورناتىلعانا باسا نازار اۋداردى. مادەني-گۋمانيتارلىق, عىلىم جانە ءبىلىم بەرۋ سالالارىنداعى ىنتىماقتاستىق زور مازمۇنعا يە بولعاندىعىن ەسكە سالىپ ءوتتى. مۇنان بولەك بيىل ەلىمىز تاۋەلسىز قازاقستاننىڭ سيمۆولى - استانانىڭ 20 جىلدىعىن اتاپ وتەتىندىگىن ايتتى.
«اعىمداعى جىلى استانانىڭ 20 جىلدىق مەرەيتويى جانە وعان رەسەيدەن ارىپتەستەرىمىزدى كۇتەمىز. بىرقاتار بىرىلەسكەن ءىرى جوبا ماسكەۋ, سانكت-پەتەربۋرگ جانە استانا قالالارىندا ۇيىمداستىرىلدى»,- دەدى مەملەكەتتىك حاتشى.
كەزدەسۋ سوڭىندا مەملەكەتتىك حاتشى ستراتەگيالىق سەرىكتەس جانە وداقتاس رەتىندەگى ەكىجاقتى قارىم-قاتىناستىڭ ودان ءارى دامۋى جولىندا قازاقستانداعى رەسەيدىڭ توتەنشە جانە وكىلەتتى ەلشىسى الەكسەي بوروداۆكينگە زور تابىس تىلەدى.
