جەدەل-ىزدەستىرۋ توبى زەرگەرلىك زاتتاردى قولدى ەتكەن 22 جاستاعى ەكى جۇمىسسىز جىگىتتەردىڭ ءىسى ەكەنىن انىقتاعان. ونىڭ ءبىرى بۇرىن دا ۇرلىعى ءۇشىن سوتتى بولعان. ولاردىڭ ۇرلىق جاساۋىنا جاعداي تۋعىزعان 38 جاستاعى ساتۋشى ايەل ەكەندىگى دە اشكەرە بولدى. تەرگەۋ ىسىندە انىق بولعانىنداي, كۇدىكتى ايەل ەكى جىل بويى جەكە كاسىپكەرگە ساتۋشى بولىپ جۇمىس ىستەگەن. وسى جىلدار ىشىندە ول جۇمىس بەرۋشىگە قارىز بولىپ قالادى. ونى ءوزىنىڭ 18 جاستاعى قىزىنا ايتادى. قىزى ءوزىنىڭ تانىستارىنا دۇكەندەگى «قارىز كىتابىنىڭ » كوزىن جويۋدى جانە التىن بۇيىمداردى الىپ كەتۋدى وتىنەدى. سونان كەيىن كۇدىكتى جىگىتتەر سەيف كىلتىنىڭ كوشىرمەسىن جاساۋعا كىرىسەدى.
التىن بۇيىمدار قولىنا تىيىسىمەن ەكى ۇرى تاكسي شاقىرىپ, الدىمەن قوستانايعا, ودان استاناعا, ودان الماتىعا كەتەدى. الماتىدا ولار التىن بۇيىمداردى 600 مىڭ تەڭگەگە ساتادى دا, قالعانىن ءبىر ءۇيدىڭ اۋلاسىنا كومىپ كەتەدى. ولار ۇشاقپەن قوستانايعا قايتىپ ورالادى.
رۋدنىي قالالىق ىشكى ىستەر باسقارماسىنداعى تاجىريبەلى پوليتسەيلەردىڭ ارقاسىندا ءىرى ۇرلىق وسىلاي اشىلادى.
رۋدنىي قالالىق ىشكى ىستەر باسقارماسىنىڭ باستىعى ءالىم باجىقباەۆ التىن بۇيىمداردىڭ ساتىلماي قالعاندارى كۇدىكتىلەردىڭ پاتەرىنەن, الماتىداعى جەر «سەيفىنەن» تاپقاندىعىن جانە ولاردىڭ ءۇي قاماعىندا وتىرعانىن حابارلادى. قازىر قر قك «ۇرلىق» بابى بويىنشا سوتقا دەيىنگى تەرگەۋ امالدارى ءجۇرىپ جاتىر.
ءنازيرا جارىمبەت,
«ەگەمەن قازاقستان»
قوستاناي وبلىسى,
رۋدنىي قالاسى
