كانن كورەرمەندەرىنە قازاقتىڭ «تىعىلماق» جانە «اسان» اتتى فيلمدەرى ۇسىنىلادى. ەكى فيلم دە بىلتىر «قازاقفيلم» كينوستۋدياسىنداعى «دەبيۋت» شىعارماشىلىق-وندىرىستىك بىرلەستىگى ۇيىمداستىرعان ستسەناريلەر كونكۋرسىندا جەڭىسكە جەتىپ, وندىرىسكە جىبەرىلگەن بولاتىن.
اتالعان باعدارلامانىڭ باستى ماقساتى – كينو الەمىندەگى كاسىبي كينوگەرلەردىڭ باسىن قوسىپ, جاس رەجيسسەرلەر مەن پروديۋسسەرلەر, سونداي-اق الەمنىڭ تۇكپىر-تۇكپىرىنەن جينالعان ديستريبيۋتەرلەر اراسىندا بايلانىس ورناتۋ. وسى باع-
دارلاما اياسىندا كورسەتىلگەن فيلمدەر حالىقارالىق كينوفەستيۆالدارعا جولداما الىپ, حالىقارالىق سەرىكتەستەر جانە ديستريبيۋتەر تابۋعا مۇمكىندىكتەرى بار. بيىل Short Film Corner باعدارلاماسىنا قاتىسۋعا كوپتەگەن ەلدىڭ رەجيسسەرلەرى اتىنان 2000-نان استام تاپسىرىس كەلىپ تۇسكەن.
رەجيسسەر ۆەنەرا قايىرجانوۆا تۇسىرگەن «تىعىلماق» فيلمى ەرەسەكتەردىڭ باسىنداعى وقيعاعا كۋا بولعان كىشكەنتاي ەكى قىز تۋرالى باياندايدى. ىڭعايسىزدىققا دۋشار بولعان ەكەۋى سول جاعدايدان قاشىپ, ءوز بالالار الەمىنە جاسىرىنباق بولىپ, كوزدەرىن الاقاندارىمەن جاۋىپ, كوشەدە «تىعىلماق» وينايدى ء(فيلمنىڭ دىبىس رەجيسسەرى قويشىن قاناي). ال رەجيسسەر بەرىك جاحانوۆتىڭ «اسان» فيلمىندە كوپ جىلدار اكەسىن كورمەسە دە, ونى اقتىق ساپارعا شىعارىپ سالۋعا كەلگەن جىگىتتىڭ جان سەزىمى, تولعانىسى پسيحولوگيالىق تاسىلمەن تارقاتىلادى.
ايگۇل احانبايقىزى,
«ەگەمەن قازاقستان»
الماتى
