نيۋ-يوركتە وتكەن بۇل جيىن بارىسىندا ەلىمىزدىڭ بۇۇ جانىنداعى تۇراقتى وكىلى قايرات وماروۆ ۇيىمعا مۇشە ەلدەر قازاقستان پرەزيدەنتى نۇرسۇلتان نازارباەۆتىڭ وسى ءسامميتتى وتكىزۋ تۋرالى باستاماسىن قولداي وتىرىپ, يسلاممەن نيەتتەس ەكەنىن كورسەتكەنىن اتاپ ءوتتى. سونداي-اق ول اتالعان ءسامميتتىڭ ەكسپو-2017 حالىقارالىق كورمەسىن وتكىزۋ مەرزىمىنە ورايلاستىرىلعانىن ەسكە سالدى. وندا مۇسىلمان ەلدەرىنىڭ وكىلدەرى ەنەرگەتيكا سالاسىنداعى ەڭ جاڭا عىلىمي-تەحنيكالىق جەتىستىكتەرمەن تانىسۋعا مۇمكىندىك الدى.
ق.وماروۆتىڭ ايتۋىنشا, قازاقستان الەمدىك ەكونوميكاداعى يسلام الەمىنىڭ باسەكەگە قابىلەتتىلىگىن ءبىزدىڭ تابىستارىمىز جانە بولاشاعى زور جەتىستىكتەرىمىز انىقتايتىنىنا سەنىمدى. بۇعان قوسا, ول مۇسىلمان ەلدەرىن يسلامنىڭ اسىل قۇندىلىقتارىن ناسيحاتتاۋ جانە بۇكىل الەمدە يننوۆاتسيالىق يدەيالاردى ەنگىزۋ ءۇشىن جاۋاپكەرشىلىكتى وزىنە الاتىن ينتەللەكتۋالدى ەليتانىڭ جاڭا ۇرپاعىن تاربيەلەۋگە شاقىردى. سونىمەن قاتار ءسامميتتىڭ تابىسى اتاپ ءوتىلدى.
قورىتىندىلاي كەلە, ق.وماروۆ عىلىم مەن تەحنولوگيالار دامۋدىڭ قازىرگى زامانعى پروبلەمالارىن, سونىڭ ىشىندە كەدەيلىكپەن كۇرەس, دەنساۋلىقتى, قورشاعان ورتانى قورعاۋ, ازىق-ت ۇلىكپەن, سۋمەن قامتاماسىز ەتۋ جانە ەنەرگەتيكالىق قاۋىپسىزدىك ماسەلەلەرىن شەشۋدە نەگىزگى ءرول اتقاراتىنىن ەسكە سالدى.
ءسوز سويلەگەن يىۇ-عا قاتىسۋشى ەلدەردىڭ تۇراقتى وكىلدەرى وسى تاقىرىپتىڭ بارلىق مۇسىلمان قاۋىمى ءۇشىن وزەكتى ەكەنىن اتاپ ءوتتى. اۋعانستان ەلشىسى ماحمۋد سايكال قازاقستاننىڭ تۇراقتى وكىلدىگىنە ماقساتى جالپى دامۋ ءۇشىن وڭ نەگىزدە اقىل-ويدى بىرىكتىرۋ بولىپ تابىلاتىن وسى ماڭىزدى جانە ۋاقتىلى ديالوگتى ۇيىمداستىرعانى ءۇشىن العىسىن ءبىلدىردى. وزبەكستان ەلشىسى باحتيور يبراگيموۆ قازاقستاننىڭ عىلىم جانە تەحنولوگيالار جونىندەگى ءبىرىنشى ءسامميتتى شاقىرۋدا كورسەتكەن كوشباسشىلىعىن اتاي وتىرىپ, قاتىسۋشىلارعا 2020 جىلى ەكىنشى ءسامميتتى وتكىزەتىن تاشكەنت وسى ەستافەتانى استانادان العانى تۋرالى حابارلادى.
گايانانىڭ ەلشىسى رۋدولف تەن-پوۋ ءبىرىنشى ءسامميتتىڭ شەشىمدەرىن ءىس جۇزىندە جۇزەگە اسىرۋ يسلام الەمىندەگى عىلىم مەن تەحنولوگيالاردى دامىتۋ ءۇشىن وتە ماڭىزدى ەكەنىن جەتكىزدى. ونىڭ ايتۋىنشا, ەلدەردىڭ ءارتۇرلى سالالارداعى ارتىقشىلىقتارىنىڭ سينەرگياسى شىنايى پروگرەسكە قول جەتكىزۋگە مۇمكىندىك بەرەدى.
مىسىردىڭ وكىلى يىۇ-نىڭ ءىس-قيمىل باعدارلاماسى مەن بۇۇ-نىڭ 2030 جىلعا دەيىنگى دامۋ كۇن ءتارتىبىن پروگرەسس پەن نيەتتەستىلىككە باعىتتالعانىن اتاي وتىرىپ, ولاردى سالىستىردى.
ءىس-شاراعا قاتىسقان يراك, قاتار, ليۆان, پالەستينا, قىرعىزستان, تۋنيس مەملەكەتتەرىنىڭ ەلشىلەرى, سونداي-اق بىرىككەن اراب امىرلىكتەرىنىڭ, ۋگاندا, دجيبۋتي, يوردانيا, تۇركيا, تۇرىكمەنستان جانە يىۇ-نىڭ وزگە دە ەلدەرىنىڭ وكىلدەرى قازاقستاننىڭ ءسامميتتى شاقىرۋ تۋرالى باستاماسىن جوعارى باعالاپ, عىلىمي جانە تەحنولوگيالىق دامۋ تاقىرىبى جاھاندىق اقپاراتتىق پروگرەستىڭ قازىرگى جاعدايىندا وتە ماڭىزدى ەكەنىن اتاپ ءوتتى.
دايىنداعان
جولدىباي بازار,
«ەگەمەن قازاقستان»
