«اكىمدىكتەر 2017-2020 جىلدارعا ارنالعان جاستاردىڭ بوس ۋاقىتىن ءتيىمدى وتكىزۋگە باعىتتالعان ءىس-شارالار جوسپارلارىن ازىرلەدى. بىرقاتار وڭىرلەر جوبالارىنىڭ ينفراقۇرىلىمىن قالىپتاستىرا باستادى. قازىرگى ۋاقىتتا كوۆوركينگ ورتالىقتار, سپورتتىق نىساندار, اۋلا كلۋبتارى اشىلۋدا. وتكەن جىلى وسى جوسپارلارعا سايكەس 379 جاڭا كوپ فۋنكتسيونالدى نىساندار جانە 7 دەنساۋلىق ورتالىعى پايدالانۋعا بەرىلدى», دەدى ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ.
ۆيتسە-ءمينيستردىڭ ايتۋىنشا, جۇمىسسىز جاستاردىڭ سانى سوڭعى جىلدارى 4,1%-دان 3,9 %-عا دەيىن ازايعان. 2017 جىلى 2016 جىلمەن سالىستىرعاندا جاستار اراسىنداعى قۇقىق بۇزۋشىلىقتاردىڭ سانى 3,6%-عا تومەندەگەن, سونداي-اق, جاستاردىڭ اراسىندا سۋيتسيد وقيعالارى 8, 2% ازايعان.
«2013-2020 جىلدارعا ارنالعان مەملەكەتتىك جاستار ساياساتىن ىسكە اسىرۋ تۇجىرىمداماسى» جاستار ساياساتىنىڭ نەگىزگى باعىتى بولىپ تابىلادى. 2017 جىلى «بولاشاققا باعدار: رۋحاني جاڭعىرۋ» باعدارلامالىق ماقالاسى ەسكەرىلە وتىرىپ, اتالعان تۇجىرىمدامانى ىسكە اسىرۋ جوسپارىنا وزگەرىستەر ەنگىزىلدى. جاڭادان قوسىلعان ءىس-شارالار جۇمىسپەن قامتۋ, بوس ۋاقىتتى ءتيىمدى پايدالانۋ, وتباسىلىق قۇندىلىقتاردى دامىتۋ, جاستار ۇيىمدارىن قولداۋ, كاسىپكەرلىك پەن ۆولونتەرلىك قىزمەتتى قامتيدى», دەپ قورىتىندىلادى.
