بريفينگكە جاستار ساياساتى دەپارتامەنتىنىڭ ديرەكتورى اسحات ورالوۆ, «جاستار» عىلىمي-زەرتتەۋ ورتالىعىنىڭ ديرەكتورى تالعات قاليەۆ, «قازاقستان ستۋدەنتتەر اليانسى» قوعامدىق بىرلەستىگىنىڭ توراعاسى ءىلياس تۇستىكباەۆ قاتىستى.
ءباسپاسوز ماسليحاتى بارىسىندا قاتىسۋشىلار پرەزيدەنتتىڭ ء«تورتىنشى يندۋستريالدى رەۆوليۋتسيا جاعدايىنداعى دامۋدىڭ جاڭا مۇمكىندىكتەرى», پرەزيدەنتتىڭ بەس الەۋمەتتىك باستاماسى جانە «رۋحاني جاڭعىرۋ» باعدارلاماسىنىڭ اياسىندا جۇرگىزىلىپ جاتقان شارالاردىڭ جاستاردىڭ بولاشاعىنا تيگىزەتىن اسەرى تۋرالى ايتتى.
ۆيتسە-مينيستر ا.نۇكەنوۆتىڭ ايتۋىنشا, «2013-2020 جىلدارعا ارنالعان مەملەكەتتىك جاستار ساياساتىن ىسكە اسىرۋ تۇجىرىمداماسى» جاستار ساياساتىنىڭ نەگىزگى باعىتى بولىپ تابىلادى.
«2017 جىلى «بولاشاققا باعدار: رۋحاني جاڭعىرۋ» باعدارلامالىق ماقالاسى ەسكەرىلە وتىرىپ, اتالعان تۇجىرىمدامانى ىسكە اسىرۋ جوسپارىنا وزگەرىستەر ەنگىزىلدى. جاڭادان قوسىلعان ءىس-شارالار جۇمىسپەن قامتۋ, بوس ۋاقىتتى ءتيىمدى پايدالانۋ, وتباسىلىق قۇندىلىقتاردى دامىتۋ, جاستار ۇيىمدارىن قولداۋ, كاسىپكەرلىك پەن ۆولونتەرلىك قىزمەتتى قامتيدى. پرەمەر-ءمينيستردىڭ تاپسىرماسى بويىنشا اكىمدىكتەر 2017-2020 جىلدارعا ارنالعان جاستاردىڭ بوس ۋاقىتىن ءتيىمدى وتكىزۋگە باعىتتالعان ءىس-شارالار جوسپارلارىن ازىرلەدى. بىرقاتار وڭىرلەر جوبالارىنىڭ ينفراقۇرىلىمىن قالىپتاستىرا باستادى. تالانتتى جاستاردى جۇيەلى تۇردە قولداۋ ماقساتىندا قازاقستان رەسپۋبليكاسى ۇكىمەتىنىڭ 2017 جىلعى 13 شىلدەدەگى № 427 قاۋلىسىمەن «دارىن» مەملەكەتتىك جاستار سىيلىعىن جىل سايىن بەرۋ تۋرالى شەشىم قابىلداندى. سونداي-اق, مينيسترلىكتىڭ باستاماسى بويىنشا ۇكىمەت سىياقى مولشەرىن ارتتىرۋ ماسەلەسىن قاراستىرۋدا. دارىن جاستار سىيلىعىن الۋعا ۇمىتكەرلەردەن وتىنىشتەر اعىمداعى جىلدىڭ 30 ناۋرىزىنان باستالىپ, 1 تامىزعا دەيىن جالعاسادى. ۇكىمەتتىڭ شەشىمىمەن «جاستار» عىلىمي-زەرتتەۋ ورتالىعى قر ءدىن ىستەرى جانە ازاماتتىق قوعام مينيسترلىگىنىڭ قۇزىرەتىنە بەرىلدى. وسى اپتادا اتالعان ورتالىق ءوزىنىڭ بەس جىلدىعىن اتاپ وتەدى. ورتالىق جاستار ورتاسىن دامىتۋ ۇردىستەرىن انىقتايدى, پروبلەمالاردى شەشۋدىڭ جاڭا تاسىلدەرىن ۇسىنادى. تۇتاستاي العاندا, اتقارىلعان جۇمىستار جاستاردىڭ جۇمىسىندا ۇكىمەتتىك ەمەس سەكتوردىڭ رەسۋرستارىن ءتيىمدى ۇيلەستىرۋگە جانە تارتۋعا مۇمكىندىك بەرەدى», دەدى ول.
ۆيتسە-مينيستر ا.نۇكەنوۆ كوپتەگەن كورسەتكىشتەر بويىنشا ءبىزدىڭ جاستارىمىز باسقا ەلدەردەگى ءوز زامانداستارىنان الدا كەلە جاتقاندىعىن اتاپ ءوتتى.
