اۆتوشەرۋدى حانتى-مانسي اۆتونوميا وكرۋگى دۋماسى جانىنداعى جاستار پارلامەنتى مەن «يۋگرانىڭ جاس جۋرناليستەرى» ايماقتىق قوعامدىق ۇيىمى ۇيىمداستىردى. قۇرامىندا ءارتۇرلى ماركالى كولىكتەر مەن 30-عا جۋىق مۇشەلەرى بار ەكسپەديتسيا ۋكراينا, بەلارۋس, بىرقاتار ەۋروپا ەلدەرىن ارالاپ ءوتىپتى. ولار وبلىس ورتالىعىنداعى «ماڭگىلىك وت» الاۋىنا, جەڭىس مەموريالىنا, 314 اتقىشتار ديۆيزياسى ەسكەرتكىشىنە گۇل شوقتارىن قويىپ, تاعزىم ەتتى. بۇدان كەيىن تاريحي-ولكەتانۋ مۋزەيىندە اعا جانە جاس بۋىن وكىلدەرىمەن كەزدەستى.
«ساپار ماقساتى قازاقستاندا تۇراتىن سوعىس, تىل ارداگەرلەرىنىڭ ومىرلەرىمەن, مايدان دالاسىنداعى ەرلىك ىستەرىمەن, جانقيارلىق ەڭبەك جولدارىمەن جاقىنىراق تانىسۋ, قۇندى اقپاراتتار جيناۋ, ەكى ەل جاستارى اراسىندا بەرىك ىنتىماقتاستىق ورناتۋ», دەيدى حالىقارالىق مەديا-ەكسپەديتسيانىڭ جەتەكشىسى, جاستار پارلامەنتىنىڭ مۇشەسى نيكولاي زابولوتنەۆ.
ونىڭ ايتۋىنشا جيناقتالعان اقپاراتتار الەۋمەتتىك جەلىلەر ارقىلى دا جۇرتشىلىققا تاراتىلادى.
كەزدەسۋدەن كەيىن حانتى-مانسي اۆتونوميا وكرۋگى دۋماسى جانىنداعى جاستار پارلامەنتى مەن وبلىستىق جاستار ۇيىمى ء«بارىمىز ءۇشىن جەڭىس– ورتاق!» حالىقارالىق مەديا-ەكسپەديتسياعا بىرلەسىپ قاتىسۋ تۋرالى مەموراندۋمعا قول قويدى.
ءومىر ەسقالي
«ەگەمەن قازاقستان»
سولتۇستىك قازاقستان وبلىسى
