كەزەكتى «1000 ورىن – كوشە ساۋداسى» باعدارلاماسىن جۇزەگە اسىرۋ بلوكچەين جۇيەسى بويىنشا مامىر ايىندا وتەدى. بۇل ءوز كەزەگىندە ادامي فاكتوردى بارىنشا قىسقارتىپ, ورىنداردى اشىق تۇردە بولۋگە سەپتىگىن تيگىزەدى. بۇل تۋرالى كونفەرەنتسيا بارىسىندا قالا اكىمى ءا. يسەكەشەۆ ايتتى.
«1000 ورىن – كوشە ساۋداسى» باعدارلاماسى بويىنشا 640 ورىن كاسىپكەرلەرگە بەرىلدى. وسى جىلى ءبىز قوسىمشا تاعى 150 ءىرى ساۋدا الاڭىن دايىندادىق. مامىر ايىندا ءباسساۋدا وتەدى. ءبىز ونى بلوكچەين بويىنشا وتكىزەمىز, ول ورىنداردى اشىق تۇردە بولۋگە سەپتىگىن تيگىزەدى. قالامىزدىڭ اۋداندارى دا وسى باعىتتا جۇمىستاردى باستادى. مىسالى, «سارىارقا» اۋدانى فورۋم وتكىزەدى, شاعىن دۇكەندەر, ءدارىحانا, ءجۇز قالىپتاستىرۋ ءۇشىن اشىق نەگىزدە 100-گە جۋىق شاعىن ۋچاسكەلەر ۇسىنىلادى», - دەدى اكىم.
«اتامەكەن» ۇكپ تورالقا توراعاسى تيمۋر ق ۇلىباەۆ استانا قالاسىندا بيزنەستى دامىتۋعا وڭ وزگەرىستەر بولىپ جاتقانىن اتاپ ءوتتى. ول قازىرگى كۇندە «1000 ورىن – كوشە ساۋداسى» باعدارلاماسى ەل بويىنشا قولعا الىنىپ جاتقانىن ايتتى.
«استانادا باستاۋ العان باستامالار بارلىق ەل بويىنشا قولعا الىنۋدا. مىسالى, «1000 ورىن – كوشە ساۋداسى» باعدارلاماسى ءتيىمدى جۇزەگە اسىرىلۋدا. قازىردىڭ وزىندە 650 ساۋدا ورنى جاڭا يەسىنە بەرىلدى. بۇل باعدارلامانى ءبىز ەل بويىنشا ەنگىزۋدى جوسپارلاپ وتىرمىز, مۇنى قولدادى. ۇكىمەت ارقىلى سالا بويىنشا بارلىق اكىمدىكتەرمەن جۇمىس جاساۋدامىز», - دەدى تيمۋر ق ۇلىباەۆ.
«1000 ورىن – كوشە ساۋداسى» باعدارلاماسى استانادا 2016 جىلى جۇزەگە اسىرىلدى. ول بىردەن ەكى ماسەلەنى شەشۋگە كومەكتەسەدى: شاعىن جانە ورتا كاسىپكەرلىكتى دامىتۋعا, سونىمەن قاتار كوشە ساۋداسىن قازىرگى زامانعى ستيلدە دامىتۋعا سەپ.
