«ەكى ازاماتتىق ءىسى ماڭىزدى پروبلەمالاردىڭ ءبىرى بولىپ وتىر. ءىىم مالىمەتى بويىنشا, 2017 جىلى ەكى ازاماتتىعى ءۇشىن شامامەن 600 ادام جازالاندى. قازاقستاندىقتاردىڭ وزگە ەلدىڭ ازاماتتىعىن الۋ ماسەلەسى بويىنشا شەتەلدىك ديپلوماتيالىق وكىلدىكتەرمەن تۇراقتى بايلانىس كەرەك», - دەدى ن.ءابدىروۆ ماجىلىستەگى ۇكىمەت ساعاتىندا.
ونىڭ ايتۋىنشا, كونستيتۋتسيا بويىنشا قازاقستان ازاماتى وعان قوسا باسقا ەلدىڭ ازاماتى بولا المايدى.
«الايدا ءبىزدىڭ ەلدىڭ ازاماتتىعىن جويماي تۇرىپ, باسقا ەلدىڭ ازاماتتىعىن الاتىن ازاماتتار دا بار. قازاقستان ازاماتتىعىن الماستان بۇرىن شەتەل ازاماتتىعىنان شىققاندىعىن راستايتىن قۇجاتتاردى ۇسىنۋ تۋرالى تالاپتار بەكىتۋ ماسەلەسىن پىسىقتاۋ كەرەك, ونىڭ ىشىندە ونى الۋدىڭ جەڭىلدەتىلگەن تارتىبىندە دە. ايتا كەتەر بولساق, 2017 جىلى جەڭىلدەتىلگەن تارتىپتە ءبىزدىڭ ەلدىڭ ازاماتتىعىن 30 مىڭنان استام ادام العان», - دەپ مالىمدەدى ول.
