مۇنداي ءتاسىل ءبىر مەزگىلدە بىرنەشە ماسەلەنى شەشۋگە مۇمكىندىك بەرەدى. اتاپ ايتقاندا, تىركەۋ تۋرالى مالىمەتتەردىڭ مەديتسينا ۇيىمدارى تاراپىنان بۇرمالانۋ قاۋپىن تومەندەتىپ, ەمحانالاردىڭ تىركەۋ بولىمدەرىنە تۇسەتىن جۇكتى ازايتادى. سونداي-اق ازاماتتاردى تىركەۋدەن نەگىزسىز باس تارتۋ فاكتىلەرىن قىسقارتادى. ءمامس جۇيەسىن ەنگىزۋ شەڭبەرىندەگى يننوۆاتسيالار قولدانىستاعى ەرەجەلەردى وزگەرتۋدى تالاپ ەتەدى.
– ازاماتتاردى حقكو ارقىلى تىركەۋ قىزمەتىنىڭ ەنگىزىلۋىنە بايلانىستى حالىقتى ەمحاناعا تىركەۋ تارتىبىنە تولىقتىرۋلار مەن وزگەرىستەر ەنگىزۋ كوزدەلىپ وتىر. وندا مەديتسينا ۇيىمدارىمەن ءوزارا قارىم-قاتىناس جانە تىركەلگەن پاتسيەنتتەردىڭ قۇقىقتارىن قورعاۋ ءتارتىبى جان-جاقتى جازىلادى, – دەيدى «امسق» كەاق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
جەتىلدىرىلگەن تىركەۋ قىزمەتتەرى 2018 جىلدىڭ III-IV توقسانىندا قولجەتىمدى بولادى. ازاماتتار حقكو ارقىلى مەديتسينالىق ۇيىمدى ەركىن تاڭداۋ قۇقىعىن پايدالانا وتىرىپ, مەديتسينالىق قىزمەت كورسەتۋشىلەردىڭ بىرىڭعاي دەرەكقورىنا ەنگىزىلگەن ەمحاناعا تىركەلە الادى. سونىمەن قاتار قازاقستاندىقتار ەمحاناعا حقكو ارقىلى تىركەلە وتىرىپ, قاي جەردە تىركەلگەنى تۋرالى مالىمەتتى دە سول ورتالىقتاردان الاتىن بولادى. قازىرگى تاڭدا بۇل قىزمەتتەر ونلاين تارتىپتە – egov.kz پورتالى ارقىلى, وففلاين تارتىپتە ەمحانالاردا كورسەتىلەدى. استانادا 27 مەديتسينالىق مەكەمە تىركەلگەن تۇرعىندارعا قىزمەت كورسەتەدى, ونىڭ 13-ءى مەملەكەتتىك جانە 14-ءى جەكە مەديتسينالىق ۇيىم.
«ەگەمەن-اقپارات»
