ەسكە سالا كەتسەك, EFE – حالىقارالىق ەكونوميكا, قارجى جانە ەنەرگيا كونگرەسى 2014 جىلى باستالعان بولاتىن. 2016 جىلى كۇللى الەمنىڭ ءبىلىمدى دە بىلىكتى ساراپشىلارى قازاقستانعا جينالىپ, عالامدىق ەكونوميكانىڭ تۇيتكىلدى ماسەلەلەرىن تالقىعا سالعان-تىن. ايتۋلى جيىندا ەۋرازيا الەمىندەگى ەلەۋلى ماسەلەلەر ورتاعا تاستالىپ, وسى سالاداعى بەلگىلى عالىمدار ونىڭ شەشىمىن تارقاتقان ەدى. ەكى جىلدا ءبىر رەت وتەتىن كونگرەستىڭ بيىلعى تاقىرىبى «ناقتى جانە قارجى سەكتورىنداعى گەوساياسي وزگەرىستەردى ءتۇسىنۋ» دەپ اتالادى. كونگرەستىڭ ماقساتى – الەمنىڭ تۇكپىر-تۇكپىرىنەن كەلگەن عالىمدار مەن ساراپشىلاردى ەۋرازيا اۋماعىنداعى دامۋشى ەلدەردىڭ ناقتى جانە قارجى سەكتورلارىنداعى گەوساياسي وزگەرىستەر جانە ونىڭ قارجى سەكتورىنا اسەرىن زەرتتەپ, وي-پىكىر الماسۋعا شاقىرۋ. سەبەبى كاسىبي ساراپشىلار مەن عالىمدار ءوز تاجىريبەسىن, كوزقاراستارىن ءبولىسۋ جانە ورتاق مامىلەگە كەلۋ ءۇشىن ارنايى الاڭ قۇرۋدى كوزدەيدى.
كونگرەسكە جينالعان عالىمدار ەنەرگەتيكالىق ساياسات جانە جاھاندىق دامۋ, ەۋرازياداعى ەنەرگەتيكالىق ساياسات, دامۋشى ەلدەردىڭ نارىق ەكونوميكاسى, قارجى نارىقتارىنداعى باسەكەلەستىك پەن رەتتەۋ, دامۋشى ەلدەردىڭ ەكونوميكالىق جانە قارجىلىق كەمشىلىكتەرى, ورتالىق بانكتەردەگى جانە اقشا-نەسيە ساياساتىنداعى قيىندىقتار, گەوساياسي وزگەرىستەر مەن دامۋشى نارىقتاردىڭ ىقپالى سەكىلدى ماڭىزدى ماسەلەلەردى سەكتورلىق كەڭەستەر ارقىلى تالقىلاماق.
ايگۇل احانبايقىزى,
«ەگەمەن قازاقستان»
